Fapa Ṭha Pale Hna

George Washington a pa hi dinfelnak a duhtuk mi a si. Afapa dinfelmi fapa ṭha siding in arak cawnpiak. George Washington a ngakchia lio a chuah ni nikhat ah a pa nih Hretlung fate pakhat Laksawng arak pek. A pa nih apekmi laksawng cungah arak i lawm ngaingai. Hretlungte kha aa put i an dumchung thingkung tete hna kha hau in lente arak i celh. Cu thingkung hna lakah a pa nih a duh ngaimi thingkung pakhat zong kiah dengmang in atuah.

Zanlei sangah a pa cu dum chungah aa chawk tikah a duhtukmi thingkung kiah dengmang in aum kha a hmuh caah a thin ahungtuk. A fapa kha a auh i, “Hi thingkung hi aho nih dah a hau? Aho asi zong ah hi thingkung ahau tu hi ṭhate in ka chimhhrin lai,” tiah ati.

Ngakchiapa George Washington cu arak ṭih tuk. Asinain a mitthli hai in “Ka pa, keimah nih ka tuah sual,” tiah arak ti. Apa cu a thin aphang ngaimi ngakchiapa George Washington kha a zoh i, “Ka fa, hi thingkung na hau caah ka thin a hung tuk, asinain ahmaan ningte in na chim caah kaa lawm, hi dumchung i thingkung dihlak na hau lai mi nak in, lih le hlen bia na chim sual lai timi ka phang deuh, tiah ati i a fa pa kha a kuh.

George Washington a pa cu a fapa kha a ding afel mi sinak ah arak hruai khawh. Cucaah cun Vawleicung tuanbia ah George Washington cu a ding a felmi President pakhat arak si. Pa le ṭha pakhat zohkhenhnak tangah cun fapa fanu ṭha an chuak zungzal ko. “Zeizongte ah ziaza ṭha kha langhter uh. (Titus 2:7)

Catholic Bible ca asi mi Bible cauk (9) ah aa telmi Tobiat Tuanbia (The book of Tobias) ah mithiangpa Tobiat kong kha roca a ṭial. Cu pa cu ziaza ṭhatnak he a tlingmi asi. Pathian lei ah aa zuam ngaingai. Ingtuar khawhnak, ziazaṭhatnak hna kha arak tuah.