St. Callistus I, Pope & Martyr

Mithiang Callistus cu Rome khuami sal pakhat a si. A bawipa tangka a thlau ruangah a thin a phang i Rome khua in a zam. Vanchiat ah Estia khua ah an tlaih i, Sadium suikhor ah danpek in an kuat. Cu hnu ah Siangpahrang Comodus i a hawiṭhabik a simi Macia nih a tlangtlakpiak caah suikhor in an thlah ṭhan. AD 199 kum ah Deacon cannak kha Pope Zafrinus kut chungin a hmuh i Apizium lam i a ummi Khrihfa thlan uktu ah rian an khinh. St. Callistus i “Vawlei tang Thlan” tiah timi hmun cu Pope hna an vuinak thlan a rak si i cucu Bupi nih hmasabik a ngeihmi vawlei a si.

            Apostat khua Siangpahrang Julian cu ruahnak palh in milem a biami Siangbawi hna sinah ca a kuatmi hna cu, “Khrihfa hna cu midang cungah dawtnak an ngeihnak le an thih tikah an pum an i vuinak ruangah an laar” ti hi a si. AD 217 kum ah Pope ah an thim i zumhnak hmaan lo hna kha teilak in a rak doh hna. St. Callistus cu midang nupi cung a sualmi le mithattu hna telh in a dang sualnak vialte kha ngaihthiamnak phung a rak thawk. AD 222 kum ah martyr sinak in thihnak a rak ing. Amah kha Arium lam cungah an rak vui.