Gamelli Siizung pi ah Pope Leo XIV Hmahlainak cu Tlam Tling tein Tuah Khawh a si Cang
Holy See Press Office nih a chuahmi, Dr. Luigi Carbone le Professor Stefano Margaritora hna nih cathanh an chuahmi ah Pope Leo XIV cu Gemelli Siizung ah Nithumni zanlei ah a cuap operation an tuah tiah an ti.
Siibawi te nih Pope orhlei a cuap tanglei kha an lak piak. “A cuap hma hlai khawhnak ding caah, orhlei cuap a tanglei cu video bawmhnak thiamnak hmangin an lak,” tiah cathanh nih a chim.
Hlainak(operation) tuah hlaan check hlatnak an tuah lio zongah cancer a si men lai tiah lunghrinh mi zong a rak si.
“Operation tuah hlan zohfelnak in lunghrinhmi cuap adenocarcinoma zawtnak a si tiah operation tuah lio ah zohfelnak nih a fehter,” tiah sibawi te nih an chim.
Pope cu operation tuahnak khaan ah suimilam pathum hrawng a um, cu lio ah operation cu minutes 90 hrawng a rau. Sibawi te nih an hlawh a tling i zeihmanh harnak a um lo tiah an ti.
Pope Leo cu operation tuah hnu ah a lung a hung fim tthan i, caan tawite zohfelnak tuah hnu ah, sizung dot 10 nak i a khaan ah tthial a si cang, tiah thawngthanhnak nih a chim.
Professor Margaritora nih operation tuahtu phu cu a hruai hna, Professor Elisa Meacci, Dr. Maria Teresa Congedo, le Dr. Leonardo Petracca Ciavarella nih an bawmh hna.
Anesthesia phu cu Professor Massimo Antonelli, Dr. Giovanni Punzo, le Dr. Giuseppe Bello an si.
Cheknak le siizung um
A ra laimi ni hna ah, operation tuah nak a hma cu pehzulh in zohfelnak tuah a si lai. Operation tuah hlan ah rak check hlat nak nih sibawi te zong kha khuazei le zeitindah operation tuah ding a si lai ti kha fiang tein a rak theih hngalhnak a rak ngeihter cang hna.
A hlan ah thawngthanhmi zarhkhat chung sizung um ding caan kong he pehtlai in thlennak zeihmanh thawngthanhnak a um rih lo.
Nithumni zinglei ah, Holy See Press Office nih Pope si ning hna le pehzulh in hlathlainak sining kong thawngpang thar an pek lai tiah ruah a si.
Source: vaticannews