Pakhakt le pakhat aatluk te in i komhnak.

Nu le pa cu an i khat. Pathian mithmai ah annih cu aakhatmi huham, aa khatmitthawnnak an ngei. Cu ruangah mithiang Paul nih nu le va cu pakhat le pakhat i nawl thiam uh tiah (Efesa 5:21) ah aforhfial. Pakhat le pakhat upat nak in aatluk ruang te in i komhnak in chungkhar kongah tlam atlinter deuh. Theithiamnak akarhter deuh. Keimah cu ka dawtmi he kan i khat bang in ka dawtmi zong keimah he kan i khat timi thilhman kha nu le va hna nih i tlaih peng ding asi. Pakhat le pakhat mah pum bantukin i dawtnak timi cu pakhat le pakhat, khat le khat mah pum i dawt bantuk in aa khat reng kha dawtnak kha asi. Nupi upat hmaizah, Ha a tlong lo timi phungthluk le “Nupi le caw zaangfah awk asi lo” timi phungthlukbia a pahnih tein hrialawk asi.

Nu le pa hna cu a hohmanh areng a sang deuh lo i a niam deuh hlei an um lo. Minung sinak ah an i khat dih. Pathian fa sinak zongah i khat dih asi. Ca`ialtu Saya pakhat nih Bible chirchanh in a tanglei bang in biatlang arak kawmh. Nu kha pa hnakruh in a rak ser. Nu cu pa a lu in a ser mi asi lo ruangah cunglei ah chiah ding an silo, nu pawl kha pa hna ke in sermi an si lo caah ke in lamhchih ding an silo. Anmah cu hnakruh in ser mi an si caah aa tlukte in komh awk an si. Bia tang in sermi an si caah zohkhenh kilven awk an si. Cu cattal tu Saya nih abaipi in a chim duhmi cu pa le nu hna cu an i khat tiah a ti duhnak asi. Cucaah khat le khat upat le dawte in i komh ding asi. Pakhat le pakhat upat peknak cu Chungkhar kongah teinak tawhfung pakhat asi.