Missa Raithawinak (liturgy) nih zumhnak, daihnak he unau kan sinak a ṭhanter awk asi

Italy ram i avoi 76 nak National Liturgical Week puai tuah awk ah a ra mi hna sin ah biacahnak ca a kuat hna. Cu cakuat ah a chimmi cu, Khrihfa hna nih Pathian kan biak ning (liturgy) kha biapi ah chiah awk le a sullam a thuknak kha ruahṭhan awk ah Pope nih forhfialnak a tuah hna. Khrihfabu cu Khrihfa hramthawknak nih mi kha Khrih lei ah a hruai khawh hna nakhnga catechesis le liturgical puai karlak pehtlaihnak kha fehter dingin a auh hna. Tipil innak caah Pathian bia cawnpiaktu hna nih hi sacrament le biaknak raithawinak hna an i pehtlaihnak kha ṭha tein cawnpiak a herh. Cuticun Bupi chung i a lut tharmi, tipil ingmi hna kha Khrih sin ah an hruai khawh hna lai tiah a ti. Cu puai ca i an tlangtar cu, “Tipil innak le Pathian kan biak ning (litugy) hna nih Khrihfa pakhat cio siseh, Bupi siseh a nuntertu le a cawmtu si,” ti asi. Italy ram pumpaluk huap i tuah dingmi National Liturgical Week Puai cu August 24-27 tiang tuah asi lai.

Cardinal Secretary of State Pietro Parolin nih min a thutmi cu cakuat cu Bupi caah “a biapi tukmi a si tiah a langhter. Khrihfa hramthawknak ( Pathian bia cawnnak le tipil innak) cu Sacrament pakhat menmen lawng si lo in Bawipa he a kan pehtlaihtertu asi. Hlan lio Khrihfa hna cu Lamkaltu hna cawnpiaknak tang ah lungrual tein changreu cheunak i hrawm ṭinak, hmun khat ah thla an camṭinak kong a langhter. Khrih biathuk nih a kan pom, a kan thlen i thar in a kan ser, tiah a ti.