Raltuknak hma cu raldohnak hmun leng tiang a lawnh cang
Pathian sermi thil vialte zohkhenhnak caah Vawleicung huap in a voi 11nak Thlacam Ni caah Pope Leo nih ca a kuat hna i, cu a cakuatmi ah, “ral nih raldohnak hmun leng tiang rawhralnak a chuahpi tiah ralrinnak a pek hna i vawleicung daihnak ca i rian kan ṭuan tik ah Bawipa nih a kan pekmi daihnak lam kha kan i cawn awk le kan zulh awk asi tiah a ti.Raltuknak hriamnam si loin, daihnak Bawi Pathian nih damnak, rualremnak le dawtnak hna in a khatmi nunphung ser awk ah thazaang peknak le forhfialnak a tuah. Hi cakuat cu “Sermi thil zohkhenhnak caah a voi 11 nak thlacam ni (the 11th World Day of Prayer for the Care of Creation) caah biacahnak cakuat asi.
Tukum, September 1 ah tuah dingmi cu thlacam ni caah Bupi nih a thimmi tlangtar cu, “(Isaiah 2:4) chung i, “Miphun pipi an i siknak cu a remh hna lai, an vainaam cu tuhmui ah an ser hna lai i, an fei cu namtong ah an ser hna lai. Phun khat le phun khat an i do ti lai lo, ral doh zong an i tim ti lai lo,” ti asi. Cuticun sermi thil pakhat le pakhat i pehtlaihnak le ṭhathnemnak i peknak “ecosystem” kha kilven zohkhenh awkah Pope nih forhfialnak a tuah. Remdaihnak lam kan kawl tik ah hrawktu a si mi hriamnaam kha si lo in biatak le dinfelnak he hmaitonh in bia i ruah le i ceihmainak , zawnruahnak, dawtnak le zaangfahnak le pakhat le pakhat i theihthiamnak in daihnak kan ser khawh lai. Cu tin kan tuah khawhnak hnga kan lungchung in a chuak mi Thawngṭha le a vel laksawng kan intuarmi lungfahnak le hliamhma hna kha a damter lai. Cu lam cu a fawi lo nain daihnak caah a fiang bik mi a phi asi. Kan lungthin kha tharchuahter awk ah Bawipa nih a kan kawh i cuticun pawngkam le sermi thil vialte kha kan zohkhenh khawh lai tiah Pope nih a ti.