Pope nih Indonesia lihnin ruangah nunnak a liammi hna le hliamtuar hna caah a ngeihchiatnak a langhter

East Nusa Tenggara pengkulh (Indonesia) ah, August 15, Zarhte ni ah 7.7-magnitude thaṭhawngmi lihnin ruangah minung nunnak a liammi, hma a pu mi le rawhralnak kong ah Pope nih a ngaihchiatnak a langhter. Cu lihnin ruang ah minung 53 minung nunnak a liam i 135 nih hliamhma an tuar pinah 13,000 hrawng cu an inn le an lo a rawk dih caah umhmun ngeilo dirhmun an si. Vatican Secretary of State Cardinal Pietro Parolin nih min a thut i, Indonesia ram Ende khua i Archbishop Paulus Budi Kleden (SVD)sinah kuatmi cakuat ah, hi lihnin ruangah ngaichiami hartong mi hna le biaknak lei le acozah lei in mi bawmchantu phu (emergency responese) hna caah Pope nih lungkhat thin khat tein a tuarpi hna i thla a cam piak hna tiah a langhter.

 A thi mi hna an thlarau cu Pathian zaangfahnak in daihnak chungah an i dinh khawhnak hnga thluachuah peknak le thlacam piaknak zong a telh chih. Flores tikulh ah, Zarhteni ah khan 7.7 magnitude a ṭhawngmi lihninh hmasa bik a chuak i nikhat chung lihninhnak tampi a chuak.