Pope nih Pontifical Committee for Historical Sciences caah member thar a thim hna

Pope le Pope umnak zung he aa pehtlaimi tuanbia thiamsang hngalhnak Committee ah rianṭuan dingin chungtel thar minung pathum cu Pope nih a thim hna tiah Vatican zung nih a thanh. Cu member thar pathum hna cu, Rome (Italy) um Middle Ages he aa pehtlai mi Italian Historical Institute director asi mi Umberto Longo, Worcester (United States) in Assumption University i president in aa din cangmi Francesco Cesareo le John Paul II Catholic University of Lublin (Poland) in Faculty of Humanities ah associate professor asi mi Anna Barańska hna an si tiah theih asi.

Hi (Pontifical Committee for Historical Sciences) cu a luancia mi 70 hrawng ah thawk a rak si cang. Pope Pius XII nih 1954 a rak dirhmi a si i Pope Leo 13 nih 1883 August 18 ah rak dirhmi (Apostolic Letter Saepenumero considerantes) tiah ti mi Cardinal Commission for Historical Studies phunglam le tuanbia hna kilveng zohkhenhtu le a thei hngaltu an si. Committee chungtel rianṭuantu hna nih Catholic Bupi tuanbia rosung cazin hna , a bik in Vatican ummi cazin (Vatican archives) chiahnak hmun kha ṭha tein in kilven zohkhenh awk ah a biapi ngai in rian an ngei. Pope umnak zung (Holy See) nih a ngeih mi cazin hna le tuanbia cauk hna kha mifim thiamsang hna nih tamdeuh in rel khawh, cawn khawhnak Pope sin ah nawl an hal ti zong theih asi. Cu Committee cu Jesuit siangbawi Fr. Marek Inglot nih president a ṭuan i Pierantonio Piatti secretary a ṭuan tiah kan theih.