St. Matthias, Apostle

Audio (aw) zongin ngai khawh a si. 👇👇

Mithiang Matthias (Jesuh zultu) cu Jesuh Khrih tipil a innak ni thawkin vancung a kai ni tiang Jesuh zultu pakhat a si. Amah cu Jesuh Khrih khual a tlawn lioah thawngṭhabia phuan (evangelist) awk le tehte khaan awkah an thlahmi zultu (72) chungah aa tel vemi pakhat a si. Thiangthlarau a ṭum ni a phak hlan deuh ah khan zultu pa hleikhat hna le a dang zultu hna cu thla an cam i an i pumh lioah Mithiang Peter nih Khrih a thawhṭhannak kong kha chim le tehte a khaangtu pakhat si dingah Judah aiawh in zultu pakhat thim a herhnak kong kha a thanh hna. (Lamkaltu 1:21). Matthias le Barnabas hna cu mintaar mi hna an si i, mee thlaknak in Matthias kha an thim. Mah thimnak cu Isarel miphun (12) aiawh a si. Mithiang Matthias cu Thiangthlarau kha a hmuh hnu ah thawngṭhabia kha Judea ram in Gespian rili tiang a phuan. Thawngṭhabia a phuannak hmun ah miṭhalo hna i hremnak, a hmaan lo nehsawhna kha a phorh i Golchist ahkhan biatak caah thihnak a ing. A pum cu Jerusalem ah khan caan sau nawn an chiah. Cu hnu ah St. Helen Biakinn in Rome khua ah an ṭhial.