Vatican Pope Leo XIV le U.S. Ramdang Vuanci Marco Rubio cu May 7 ah an tong lai

Pope Leo XIV nih U.S. Ramdang Vuanci Marco Rubio cu May 7 ah Vatican’s Apostolic Palace ah a ton lai. Kan hnu kum ah, Pope Leo cu pope ah thim a rak si i cu pope rian cu dotla tein a cohlannak missa raithawinak ah khan an rak i tong bal cang. May 7 (Cawn nili ni) zinglei suimilam 11:30 ah Pope Leo XIV le U.S. Ramdang Vuanci Marco Rubio hna cu Vatican Apostolic Palace ah an i tong lai. Vatican Thawngzamnak Zung nih cu an i tonnak ding cu Zarhpi ni ah thawngthanhnak le fehternak a tuah. Rubio cu zinglei 11:15 ah a phan lai tiah zumh a si. U.S. Ramdang Vuanci nih Chicago ah a ṭhanglian mi Pope cu May 18, 2025 ah a rak ton cang. Pope  rianṭuannak a thawknak caah Missa an rak tuah i cu Missa raithawinak a dih ah U.S. Vice President JD Vance zong nih Pope cu a rak ton ve. Pope Leo ni U.S. Ramdang Palai Marco Rubio  he an i ton dih hnu ah Poland Prime Minister Donald Tusk he zong tonnak an ngei rih lai tiah Vatican Thawngzamhnak nih a thanh.