Pope Leo nih May thla caah thlacam ding a timhmi 

Pope Leo XIV nih May thla caah thlacamnak a timhmi cu mi vialte nih rawl an ngeih khawh nakhnga caah timi a si.

X ah an thlahmi video ah, Pope nih zumtu hna kha hitin bia a hal hna: “Nifatin minung 318 million nih rawlṭam nak fakpi in an tonmi kongah zeitindah nan ruah?” 

“Kan cawlcangh a herh, sihmanhsehlaw thlacamnak ai tel lo ah cun kan thazang a der ko lai,” tiah a ti. “Tu kum May thla ah hin, rawl hloh hrial ding le mi vialte nih nifatin rawl ṭha an hmuh khawhnak hnga biatak tein biakamnak ngeih buin keimah he thlacamnak ah i tel ve dingin kan sawm hna.”

Pope’s Worldwide Prayer Network website in thlahmi video ah Pope nih tu thla caah thlacam dingin ṭialmi thlacamnak zong kha a cam.