St. Teresa of Avilla, Virgin & Doctor (1515-1582)

Mithiang Teresa cu Discalced Carmelites bu a dirhtu a si. Amah cu AD 1515 kum ah Spain ram, Avila khua ah a chuak. A ngakchiat tein zungzal hmunmi he pehtlaimi khuaruahnak nih a khuhchilh (nenh) i a nunnak kha Pathian sinah pekchanh duhnak lungthin fakpiin a rak ngei. Kum 12 a si ah a nu a thi i cu lioah nungakthiang Mary bantukin si duhnak a rak ngei. A nu a thih lioah Nu Mary milem hmai ah a kal i “Nu Mary milem hmai ah atu thawkin ka nu run si hram ko” tiah ṭah buin thla a rak cam. Kum 20 a si ah Avilla khua Carmelites Sister Sianginn ah a lut. Asinain Biaknak lei he pehtlaiin daithlannak hna nih khuaruahhar in a lauter. Khual phunphun kha zalongtein an don hna i a dang tein thlacamnak le daitein thlacamnak hna kha zeiah an rak rel lo. An bu chungtel tampi hna cu thathu in an zawnzai i daithlang in um le ei lawng an rak zal. Asinain amah cu a kawhauhnak ah fel tein a hmun.

            Bu uktu hna nih an thlauh len ko lioah Avilla khua Discalced i Carmelites bu kha kum 1562 ah a rak dirh. Cu bu chungtel hna cu an nunnak kha a har mi upadi le a daimi lungthin nunnak ah an i ap. Sifak te le semrel tein umnak hmelchunhnak can ah shoe kedan ai in hribunh phanah (kedan) kha an i hruk. Kum 6 a rauh hnuah St. John Christ he Discalced Carmelites Marel bu kha an rak dirh. Tuaktan thiamnak ngeih cu an serṭhanmi Sister hna caah a umlo awk a ṭhalomi a herhmi thiamnak ah a rak chiah. St. Teresa cu Thlarau lei biathuk hna kha a uar ngai i a caan tampi ah duhtlaimi cawnpiaknak hna kha a rak ṭial.

            Kum 1582 ah a rak thi i, cu hnuah Bupi nih St. Teresa kha Bupi i Bible thiamsang sinak a thanh.