St. John Eudes, Priest (1601-1680)

Audio (aw) zongin ngai khawh a si. 👇👇

Lungthin a thiang i Lamkaltu a simi Mithiang John Eudes cu 1601 kum ah France ram ah a chuak. Amah cu a nu le a pa duhnak ralchanh in Parish khua um chimrel bu (Congregation of the Oratory) ah a lut. A rian ah ṭha tein aa zuam caah Siangbawi a si hlan tein phungchimnak nawl a hmu. Siangbawi a can hnu ah a laarmi thawngṭha phuannak rian ah kum sau nawnpi a ṭuan. Cu chan lioah a laarbik mi thawngṭha chimtu hna chungin pakhat a si ve. ‘Phungchimtu nih burbuk kha a tuk. Asinain biatak kha tehte a khaangtu nihcun vate kha an tlaih’ tiah a chim ṭheo. Mission rian a ṭuannak ah Siangbawi hna cu Khrihfa hna nakin remh an herh deuh kha a hmuh. Cucaah 1643 kum ah tlang-au bun in aa ṭhen i Jesuh le Mary bu (Congregation of Jesus and Mary) kha a thawk. A bu chungtel hna cu Brother Siangngakchia hna le an rianṭuannak peng i Siangbawi le Brother hna kha zohkhenh dingah an pum an i pe cio.

St. John Eudes cu Jesuh le Mary i an lungthin thiang kha a upat ngaimi a si. 1670 kum ah ‘biak awktlak Jesuh Lungthin Thiang upatnak’ timi cauk a chuah. Mah cauk chungah Missa biaknak phung le thlacamnak hna aa tel. Kumli a rauh hnu ah ceunak pek a sinak cu Jesuh lungthin thiang nih Mithiang nu Margaret Mary Alagoguay kha biathlam in a chimhnak in a hmuhter. Amah cu 1680 kum ah a thi i 1925 kum ah Mithiang sinak an pek. A chimtaak mi ah; ‘Mithiang mi cu Missa tuah tikah a dong kho lomi sining pathum a herh’ a ti. Hmasabik ah i remh chung awk, pahnihnak ah tuahser awk le pathumnak ahcun mah Missa thawinak caah lunglawmhnak chim’ hna an si.