Nigeria ram biakinn chung pumh lio ah tlaih a tongmi catholic Seminarian pakhat le Khrihfa cheukhat cu thlahṭhan an si cang.
Nigeria ram, Enugu State ah biakinn chung pumhnak an tuah lio ah hramram in thlaih a tongmi Catholic seminarian pakhat le zumtu cheukhat hna cu ni zeimawzat an hren hna hnu ah thlah ṭhan an si cang.
August 2 ah khan Udi Local Government Area, Inoyi, Affa khua i St. Joseph Catholic Biakinn ah meithal in an luhhnawh hna i minung 4 an tlaih hna.
Cu lio ah tlaihchih a si ve mi catechist pakhat zong a rauh hlan ah an thlah ṭhan ve. Sihmanhsehlaw a dang hna tu cu tlaih an si rih lo.
Tleih a rak simi hna thlah ṭhan an si nak kong cu August 9, Zarhpi ni ah social media influencer pakhat a simi Sen. Chijinkem Ugwuanyi nih a social media in a rak langhter. Himnak lei zung le khuachung nawlngeitu hna pehzulh in zuamnak nih mitlaitu hna cu awlokchong in a um ter hna i a hnu ah cun an thlah dih te ko hna lai tiah zumhnak zong a um.
“Pathian nih sunparnak co ko seh,” tiah Ugwuanyi nih tlaih a tongmi hna an luatnak kong thawngthanhnak a tuahnak ah a ṭial.
Hibantuk tlaihkhinhnak nih hin khuachung um Catholic zumtu hna cungah lungretheihnak zong a pek ngai hna. Zeicahtiah, hriam tlaitu hna nih biakinn chung aa pum lio mi hna le Pathian a biami hna kha an luh hnawh hna deuh caah a si.
A tu bantuk luatnak thawngpang nih lungretheihnak a tongmi chungkhar hna le Catholic community tam deuh caah hnangamnak a ngeihter deuh hna. Sihmanhsehlaw luatnak kong le thlah ṭhan a simi hna dirhmun konglam tu cu mipi theih in langhter a si rih lo.
Source: Shalom World News