Chungkhar nunnak ah Lunglawmhnak le ngaihchiatnak

Lunglawmhnak lawng kha na duh i ngaihchiatnak kha na tth si ah cun hninsi Pangpar dawhnak lawng kha na uar i hninsipar hlinghna kha a ttih mi he aa lo lai. Hinnsipar dawhnak kha na tlaihchanh ahcun a hling zong kha na hmaitonh ngam awk asi. Pangpar phanhmi lam cungah zungzal in lamh a duhtu hna, a nuam zungzal mi nunnak lawng kha a ruahchanah mi hna caah chungkhar nunnak lamthluan ah harsatnak he an ton caanah ngaihchiat lungrawhnak a chuak kho.

Chungkhar nunnak lamthluan ah thilizil te he ton thiam asi bantukin a fakmi thilchia a hran ni he zong i pah asi ve tawn.

Teinak Lunglawmh mirhnak he ton thiam asibantuk in, ngaihchiat sunghnak mithli he zong i pah asi vet awn. Dawtmi caah, fale caah, innchungkhar dihlak caah ngaihchiat sunghzatlaknak he i pah sual asi tawn. Hmaitonh i pah dingah timhcia in um awk asi.

Attha bik thil lawng aa ruahchan mi hna cu teinak a hmunmi chungkhar kong ser khawhnak caah harnak tampi a um lai. Zeicah kan tiah cun chungkhar nunnak cu zungzal in a ding khawh lo caah asi.

Sihmanhsehlaw a dikmi duhdawtnak in nu le va hna cu pakhat le pakhat zaangfah zawnruahnak te in an i dawt si ahcun chungkhar kong i harsatnak vialte kha an lonh khawh hrimhrim lai.