Rasia nih Ukraine a kah ṭhannak he pehtlai in Pope nih mawhchiatnak a tuah

Nizan Cawn nithum ni ah Pope le mizapi tonnak ah, kan hnu naite ah Russia nih Ukraine a tukdoh ṭhannak kong he pehtlai in Pope nih daihnak ser awk ah nawlnak a tuah i, raltuknak nih buaibainak a daihtertu le a phi kawlnak asi lo tiah a ti. Zen le kuan, drone an tlak poah ah ruahchannak lung a dong. Inn hna le Pathian biaknak hmun hna an rawk i sualnak ngei lo minung tampi nunnak a liam. Nai hrawng ah a cang ṭhanmi Ukraine le Russia tukdohnak kong ah thinphang i a umnak kong zong a chim chih. Hi tukdohnak ruang ah harnak a tongmi Ukraine mipi nan intuarnak kan hrawmpi ve hna. Raltuknak nih buainainak le piahtana hi a dih a dongh tiang a phi chuaklak in a tuah kho lo i rawhralnak a zualter deuhtu asi. Ral ruang ah inn le lo a rawkmi hna, hmarung tuarmi le nunnak a liammi, khuaruahhar vansang i a ummi vialte hna, Daihnak Siangpahrang Bawinu i kilvennak tangah ka pekchanh i amah nih in huppheng ko hna seh tiah a ti.