Pope Leo nih Gaza mipi hna bawmhchanh awk ah nawlnak a tuah ṭhan
May 26 zanlei ah Pope a umnak Castel Gandolfo inntual ah thawnglatu hna he bia an i ruah lio ah, Pope Leo XIV nih Gaza i har tong mipi hna bawmh awk ah vawleicung mi vialte hna sinah a thar in nawlnak a tuah ṭhan. Cupin ah minung nih kan i chuahkehpi mi nuhrin covo cu upat awk asi tiah a ti. Mi vialte nih nuhrin covo upat ṭihzah awk ah nawlnak kan tharchuah a herh,” tiah Gaza lei a kalmi Global Sumud Flotilla hna kong biahalnak a lehnak ah a chim. May 19 ah lio ah khan Israel ralkap nih Israel ralkap hna nih Gaza lei a kalmi tilawng pawl an kham hna i cheukhat cu an kut an ṭem hna, an mit an huh hna timi thawngpang a chuah hnu ah a chim.
2009 January thla thawk in Israel nih meng 150 a hlatnak Gaza Strip tiang a lak i a kham ruang, Flotilla cu vawlei cung ramkip hnatlaknak in rili cung cawlcanghnak le tlunkalnak le bawmhchanhnak thilri phuhnak caah dirhmi asi. “Sumud” cu Arabic holh in “fek tein dir khawhnak” asiloah “intuar khawhnak” tinak a si. AP nih a chim ning ahcun flotilla cu hartongmi hna bawmhnak thiltri phurtu asi nak hmelchunhnak ai put mi thilphurtu tilawng asi tiah an chim. Gaza mipi nih an tonmi harnak le an intuarmi cungah Pope nih a ngaihchiatnak a langhter. U.N. Office for the Coordination of Humanitarian Affairs nih a chim ning ahcun, “Gaza ah a ummi minung 2.1 million hna cu an umnak hmun in an zam dih cang i umnak hmun, rawl le sii ai lei bawmchantu ṭha tein an hmu kho lo tiah an chim. Forhfialnak le sawmnak lawng si loin zaangfahnawlnak in hi thil hi tharchuah ka duh, nawlngeitu vialte kha Gaza mipi bawmh le rawkmi vialte sakremh ṭhan ding ah bawmhnak pek ding in forhfialnak a tuah.