Pope Leo XIV’s a hmasa bik encyclical Magnifica humanitas cu May 25 ah chuah a si lai
Artificial intelligence chan ah minung kilvennak kong he pehtlai in Pope Leo XIV nih a chuah hmasa bik ding mi Encyclical Letter “Magnifica humanitas” cauk cu May 25, 2026 ah chuah a si lai.
Pope Leo XIII nak nih a rak chuahmi Encyclical Letter “Rerum novarum” kum 135 tlinnak May 15 ni ah Pope Leo XIV nak nih min thutnak a rak tuah cang.
“Magnifica humanitas” cauk cu ah zinglei 11:30 ah Vatican Synod Hall ah chuahnak thawngthanh in langhter a si lai.
A bik in biachimtu a simi cheukhat hna: Zumhnak Cawnpiaknak lei ṭuanvo ngeitu Cardinal Victor Manuel Fernández; Minung kongkau ah ṭhanchonak lei ṭuanvo ngeitu Cardinal Michael Czerny, S.J; Durham University (United Kingdom) ah biaknak lei mifim(theologian) le Professor a simi Anna Rowlands; Anthropic (USA) dirhtu le artificial intelligence fianternak kong hlathlainak hruaitu pakhat a simi Christopher Olah; le California (USA) i Jesuit Theology Sianginn / Santa Clara University ah ramkhel theology le Catholic zatlang ruahnak professor a simi Professor Leocadie Lushombo, I.T hna he Pope Leo zong a um ve lai.
Cardinal Secretary of State Pietro Parolin nih donghnak bia a chim lai i, cu hnu ah Pope Leo XIV nih biachimnak le thluachuahnak pek nak a tuah te lai.