Bawmtu Thiang Thlarau nih kan lungthin a ceuter i harnak chungin a kan huhphenh
Thiang Thlarau nih minung kan nunnak ah a tuahmi khuaruahhar thil hna kha ruah `han awk le hngalh awk ah Pentecost Puai Missa Raithawinak ah mipi sinah a chimh hna. Cun a peh rihmi cu Bawmtu Thiang Thlarau nih kan thinlung a ceuter i thazaang thar a kan pek. Cupin ah tuanbia a kan thlen piaktu le khamhnak lam a kan hun piaktu a si i cucu Bawipa nih mi vialte caah a kan pekmi laksawng asi tiah chim chap. Thiang Thlarau `hawnnak thawngin a thawng`ha kan thanhmi cu lunglawmhnak le ruahchannak in a khat. Zeicah tiah, kanmah hrimhrim hi vawlei thar ah, ceunak le cite kan si.
Pope nih hnemhnak bia a chim buin Pentecost Puai cu Thawh`han Puai i a tlinnak a phanhnak kong zong Missa raithawinak i a phungchimnak ah a chim. Nihin Pentecost Puai ni caah relmi Bible cacaang kha Pope nih a hun nolh `han i, lamkaltu hna nih `ihnak in an khah lio ah cunglei khan ah innka kharkhumh in an um lio ah, Bawipa nih “nan cungah daihnak um ko seh, tiah a ti hna i a thaw a chuah hnawh hna. Thiang Thlarau nih Lamkaltu hna nunnak le rian`uannak ah khuaruahhar thil lianhngannak a tuah i nihin ni tiang zong ah a tuah peng rih. Pentecost Puai cu Khrih Thawh`hannak le Khrih a Pum Puai kha a si i cucu Khrih velngeihnak thawng in pek kan si. Thiang Thlarau `um Puai kan tuahnak thawng in Daihnak, Thawng`ha karhternak Mission rian`uannak le Biatak Thlarau kong zong a chim chih. Thawh`hannak biathuk asi mi Daihnak Thlarau kha biapi ah chiah hmasa in, cu daihnak nih Pathian le minung kar ah daihnak a tuah i cu daihnak cu kan lungchung ah i caamter awk ah le cuticun vawlei cung mi vialte hna sin ah daihnak asertu si awk ah Pope nih forhnak a tuah. Hi daihnak cu ngaihthiamnak in a chuakmi asi i a khamhnak vel le a ngaihthiamnak vel laksawng cu kan dihlak cung ah a kan toih dih.
Mission kan `uannak ah Thiang Thlarau cu thazaang thar a kan petu, dawtnak rian`uannak a kan forhfialtu le a kan dirkamh zungtu asi. Thiang Thlarau thawng in Khrih caah tehte khan awk le thiang hlim tein nun awk ah kawh le auh kan si tiah a chim.