St. Rita of Cascia
Audio (aw) zongin ngai khawh a si. ๐๐
St. Mati Rita i a nu le a pa cu Ombria i a ummi Apari tlang ah lothlo (leithuang) mi an si. Amah cu Jesuh Khrih nih a cawnpiakmi phungchimnak, hleice in sifah temhnak innak le nangmah le nangmah naa dawt bantukin na innpa kha na dawt lai timi cawnpiaknak kha a zultu a si. An fanu a kum a hung tlin tikah an thlacamnak zong Pathian nih a ngaihpiak hna. Kum (18) a si ah Cascia khua i a ummi St. Augustine Convent Sianginn ah a thinlung in lut a rak duh. Asinain a nu le a pa nihcun ve ngeih ding kha an duhpiak deuh. Cucaah a nu le a pa duhnak ningin Pathian duhnak bang si ko seh tiin Paulfadia he leh an i thah.
Mithiang Rita i Pathian dinnak a upatnak kha a va pa nih a serhsat. Hleice in zu a rit tik poah ah hna a hnawh i capo ah a saih tawn. Rita cu a fapa pahnih he nifate Missa an kai zungzal. Mah nu cu thlacamnak in suumnak he mizaw hna, sifak mi hna kha va leen in hnemhnak kha a tlaihchan. Ahnu bik ah Pathian thunlung khawh tawnghter dingin a rauh hlan kum tlawmpal ah Pathian nih St. Rita thlacamnak awthawng kha a ngaihpiak i a va pa cu aa ngaichih i a thih hlante ah a lung aa thleng. A ruak kha tlangbo hmun pakhat ah hmuh a si. Rita i a ngaihchiat lungkuainak nih a thlarau caah tinhnak ngeiin suumnak a tuahpiak. Mithattu hna kha a ngaihthiam hna. A fapa pahnih cu an hung tlangval tikah a pa an thahnak kongah an lung a rak แนญhawng. Kumkhat chungah a fapa pahnih hna cu an thi ve. Mah nu nihcun Pathian duh ningin si ko seh tiah amah pumpak kha Pathian sinah hnangamnak aa laak.
Mah nu cu kum (30) a si cang. A ngakchiat lioah St. Augustine Convent ah luh a rak duh. Cascia pawng i a ummi Augustine Convent ah luh dingin voihnih a rak chuak. St. Rita cu thla a cam lioah aa bochan mi Mithiang pathum; St. Augustine, St. John the Baptist le Toletino in St. Nicholas hna cu mah nu innka hmaiah dir in an rak lang. Annih nih St. Rita kha an hruai i Convent sianginn Biakinn i a ummi Bawipa Thisa Sacrament hmai ah thla an cam. Cu sianginn i Sister hna nih an Biakinn chungah lut in thla an cammi kha an hmuh hna. Biakinn tawh hun loin a chungah uh in thla an camnak huham hmelchunhnak kha St. Rita nih a hmaan ning tein a chimh hna i tehte an khaan.
Novice a tlin cikcek caah biakamnak a tuah hnu ah St. Rita i a thianhlimnak kha pehzulh in a karhcho. Thianghlim tein kum (25) chung Pathian rian a แนญuan. 1442 kum ah Machec in St. James cu ulh caan chung i phung a chim lioah St. Rita cu Bawi Jesuh Khrih i sifah temhnak kha i laak in tuar ve ding kha duhnak a rak ngei. Vampang cungah an benh mi Jesuh hmanthlak sinin ceunak a rak chuak i St. Rita i a cal zawn bakah a kah i hling luchin zuk a rak i suai. Cu fahnak hna cu duhsah tein a thu. St. Rita cu a hma ruangah sifah harnak zawtnak kum (8) chung a rak tuar. Mah nu nih cu fahnak cu lungsau tein a rak intuar.
1450 kum, Jubilee kum ah St. Bernedictine Mithiang cannak puai ah St. Rita cu a hawi Sister hna he tel duhtuk nak an rak ngei. A rauh hlan ah a hma cu a rak dam. Kum (64) a si ah, St. Rita cu a ke bak in meng (90) a hlatmi khuallam kha a rak zulh ve hna. Jubilee puai ah Lolona in St. Catherine, St. John Kapitra, Maches in St. James le Kardis in St. Deco hna an i tel ve. Jubilee puai a dih kum (7) a rauh hnu ah St. Rita cu a thi.
Reflection; โBeing poor, caring little for over physical needs, rather having no regards for ourselves, helps immensely in restraining in our sentualityโ. St. Rita of Cascia