Rian i zuamnak
Minung kan chan cu a tawite. Hi atawi mi kan nunnak ah kan sawksam mi thluachuah hna, Caan vialte caah biaceihnak ni ah Pathian sin aphi kan pek cio lai. Cucaah mikip nih thluachuah le caan kha tthatein kan hmaan aherh. Chungkhar tlamtlinnak caah rianttuan zuamnak a biapi asi. Innchungkhar dihlak nih rian i zuamnak in Chungkhar ca tthathnemnak a chuah pi i chungkhar nunnak athianghlim nak kha abawmh khawh. Chungkhar ngei hna cu innchungkhar hrukaih thilpuan eidin kong, chungkhar zohkhenhnak kong ti in rian tampi a um i rian i zuam nak a herh ngaingai. Thathutnak thinlung kha hlawt ding asi. Kam khat lei in dinh caan, ih caan, ngandamnak tuah caan zong tthate in kilven awk asi. chim tlak lo kongkau hna tuah tik zongah attha bik lungthin he tuah ding asi. Chungkhar kong ttuanvo hna kha thathut lo te in tthate kan tuahnak thawngin Pathian thluachuah hmuhnak asi.