St. John I, Pope & Martyr

Siangpahrang Pope John pakhatnak cu Italy ram, Tuscany khua ah a chuak. A hmet tein Rome phungki pawl singah a lut ve. AD 523 kum, Deacon a si lioah Pope sinak ah an thim. Cu hnu a rauh hlan ah Italy, Theodoric i nawl ngeitu nih Constantinople impire (uktu) Grestine ah a va len. Siangpahrang nih a hnuzul (Asian) miphun hna kha thleidan in a chawnhbiaknak hna chungin khamh awk lungthin (duhnak) a ngei. Constantinople ah a ummi minung hna nih Pope kha lungtho tein an don i an biakchawnh. Pope nihcun Italy Khrihfa hna kha lehrulhnak tuah ti lo awk le lungput pakhat lawng a lomi uktu (impire) i tuahsernak hna kha ṭhumh deuh awk caah uktubawi kha a forh i a hnamh. Asinain pehtlaihnak ah Theodoric cu a lung a tling lo i Pope cungah zumhnak lonak lungthin a ngei. AD 526 kum ah Pope cu Revena khua i a ummi thong ah an thlak. An hremnak le an tukvelhnak ruangah ni tlawmpal a rauh ah cu thong chung ahcun a thi.