Bawi Jesuh Vancung Kainak Puai
The Assension of the Lord
A kan khamhtu Bawipa Jesuh Vancung a kainak kha Easter Zarhpini hnu in ni (40) nak ni ah Bupi nih a rak tuah. Ngaite cu nichuahlei Khrihfabu nihcun hi puai kha ‘Khamhnak asiloah Cunglei ah hruainak-The Salvation or The Taking Up’ tiah an ti i, nitlaklei Khrihfabu nihcun ‘Jesuh Khrih cu a ṭhawnnak in Vancung ah a kai’ timi konglam cungah papek deuh in an rak chiahpiak. Bethany khua pawng i Olive tlang cu Jesuh Khrih Vancung ah a kainak hmun tiah pupa zulhphung ning thawngin an rak ruahdamh.
Upat biakpumhnak a dihlak ah a sangbik ah chiahmi Biaknak lei puai hna chungin a hlantuk mi a si. Cucu kumzabu (4) ah an rak thawk i St. Augustine puaini ahcun vawlei cung pumpi nih an rak theih dih cang. A hramthawk ahcun Penticost puai he an rak kemh rua. Cu puai lai ni (Eve) kha kumzabu (19) in ri an rak khiah i, kumzabu (10) ahcun cu i a tang (Oitive) hna an khiah. Hleice in Bawi Jesuh Khrih Vancung a kainak le pehtlaimi pupa phunglam hna lakah pakhat cu Missa tuahnak cazin chungah a thi ciami hna i philhlonak puai a dih hnu puai hna thluachuah peknak a si. August (6) ni, St. Sixtus puai ni ah mitsur thei hna thluachuah pek a si bantukin Cawn nili nipi ni ah a thiangmi sathau kha thluachuah pek a si ve. Teinak thantar he teinak puai mei ceunak, artlang in kal i vahnak cu Jesuh Khrih sunparnak he Vancung ah a luhnak kha sullam a fianter mi a si.
England ram hruaitu tlangtar cu Chiandeih pakhat he artlang in kal le vahnak a dih ahkhin Jesuh Khrih i khuachia a teinak puai kha langhternak ah limkeng pakhat an rak hmuhsak. Cu ni i a biapitnak kha mi hna sinah fiangfai deuh in phawrh khawhna dingah caan khatte chung ṭhiamṭhiam ah Satan muisam a ṭum kha an tuah lioah Jesuh Khrih muisam cu biakṭheng cunglei ah duhsah tein a kai tluahmah i Biakinn thlungkhuh in awng pakhat thawngin a lotlau ṭhan mi tuah tawnmi pupa phunglam pakhat a rak um. Deacon le a bawmtu hna cu, cu ni ahcun lenglei i hrukmi angkifual kha an i hruk tawn i thawngṭhabia rel hnu ah Paschal meilul kha hmih dingin a chimh hna.
Tuandeuh a lai chan hna chungah cun Cawn nili ni poah cu Bawi Jesuh Khrih cunglei a kainak i philhlonak ah a hme mi tuahsernak ah an rak hmuh. A sullam cu kan Bawipa Jesuh i Vancung khua Tlangbawi nunnak kha cu ni thawk cun aa thawk i, cu thawngin amah cu amah i mansung bikmi a thisen kha pathian sin a rak pekchanh. Cucaah vawlei cungah ral a do liomi Bupi chung ummi (Church Militent) a fale hna caah tahchunh khawh lo thluachuah vanluh veel laksawng hna kha a hmuhter. Lamkaltu hna cu Bawipa Jesuh Vancung a kai ni thawkin vawlei cung khua zakip ah miphun vialte kha thawngṭha phawtzamh in tehte an khaan. Cu he aa khatmi nawl ngeihnak aana ṭhiamṭhiam in kannih vialte zong nih Khrih thawngṭha kha phawtzamh in kan chim lai i Khrih Jesuh nih a rak dirhtaak mi pennak ram caah zultuṭha hna si dingin a rian ṭuan dingah biacah in nawlbia a kan pek.