St. Joseph the Worker
Audio (aw) zongin ngai khawh a si. 👇👇
Alohtama (Workers-Hlawhfa) hna zohkhenhtu Mithiang Joseph cu pawcawmnak rian caah kutzung thiamnak rian a á¹uanmi pakhat a si. (Mt 13:55). Amah cu Nazareth khua ahkhan Mary le kutzung thiamnak a rak cawnpiakmi Bawipa Jesuh he an um. Amah i zohchunh awktlak a rianá¹uannak thawngin Bawipa Jesuh cu nifa tein rianá¹uannak rumra le thathutnak ral hna kha aa chingchiah. Bible ca zong nih thathutnak he pehtlai in ‘Naa manh hlan lo kha heh tiah á¹uan tuah’ ti a si.
Zultu Paul zong nih ‘Rianá¹uan a huam lomi cu rawl zong kha eiter hna hlah u’ tiah a ti ve. (2The 3:10). Mikip nihhin amah ca le a innchungkhar zohkhenhnak, bawmhchanhnak caah Pathian nih a sermi rian chungah i bawmh in á¹uan ve dingah rian kan á¹uan cio awk a si. Thluachuah le a thiangmi i a hram si awk caah St. Benedict i a moto a simi; ‘Thlacam law rian kha á¹uan’ a ti bantukin kan rianá¹uan mi poah kha Pathian sinah kan pekchanh hmasa awk a si. 1955 kum ah Pope Pius (12) nih ‘St. Joseph the Worker’ puai ni kha ‘Alohtama-hlawhfa hna ni’ he aa khat dingin hram a rak thawkmi a si. Alohtama ni cu 1889 kum ah hlawhfa hna i a hrampi covo hna kha hnatlak piaknak caah a hram an rak thawkmi a si.