VAWLEI PUMPI HE PEHTLAIMI A SANGBIK MINUNG HNA BIARUAHNAK
1992-kum lio i Brazil ram Reo de Gerniro khua ah an tuahmi vawlei pumpi kong a sangbik ram hna ton biaruahnak kong tlawmpal in langhter ka van duh. Cu ton biaruahnak cathanh ah, “Kokek pawngkam rawhrawlnak cu a biapi in minung hna ruangah a si i, kokek pawngkam khamhnak he pehtlaimi pehzulh in kilven khawh a simi ṭhanchonak lei rianṭuannak hna tuah dingin” a herhnak kong a langhter.
Cu ton biaruahnak cu Sweden ram Stock Home khua i 1972-kum lio ah an tuahmi ton biaruahnak cathanh kha hram a bun hi a chim ṭhannak ah Vawlei pumpi pawngkam kha ṭha tein ralring tein um dingah vawlei cung ramkip nih kutsih in ṭuan a herhnak kong, thli a thurhnawmhtermi minung hna cu, hi rianṭuannak caah a dihheumi tangka an liam lainak kong a rak chim. Cu ton biaruahnak (meeting) cu Vawlei cung ramkip huap in khua caan a linhnak kha nehhnu zulh i zuamnak ah thli chung i aa ponmi thlalang inn nichawn (a hringmi nichawn) kha rikhiah awk ruahchannak kha an rak thawk. Cu ton biaruahnak zong nih thilnung saram phuntling le tupi hna he pehtlaihmi kongkau hna caah tuah dingmi timhtuahnak simanking hna zong a langhter.
A sangbik ton biaruahnak cu cahnah cungah ṭhanchonak a um i, hmailei caan caah Profet hna bantukin hlankan timhtuahnak hna an ngeih ko nain, biachahnak hna ṭuanchuahnak dal ahcun santlai lomi a si kha kan hmuh. Cuti a sinak bik cu ṭuan hnga dingmi rianṭuannak tahnak cu a kau ngaingai i, a caancaan ahcun soisel tuaktan ṭhannak ah thazaang a der, hnatlak biachahnak a zul lomi hna kha hmual ngei tein tuah le rianṭuannak a um lo caah a si. Tonbia ruahnak i biachahnak hna cu kuttongh mithmuh tein hmual a ngei i dorh deuh le rengh deuh in tuah khawhnak ninglam hna hmang in rian ṭuanchuah khawhnak caah hngah in kanum ko.
Hi kongkau he pehtlaih in remhter duhnak thinlung a simi rianṭuannak ah Switzerland ram Bezel khua i an tuahmi ton biaruahnak ah, sivai-a siter khomi hlonhmi thilri hna kong umtu ningcang kha kawl le cawn i, thawngthanhnak ningcang tahfung hna le tlaihkhipnak hna kong biaruahnak kha vun langhter ka duh.
A dang vawlei cung ram hna biaruahnak pakhat zongah cimit tiangin ṭihnung ral he hmaitonh liomi thilnung saram hna kha Vawlei cung ram hna i a phu hna nih chawlehthalnak an tuah cuahmah mi kha khap awk ah an rak ceihmai i, biruahnak (tonnak) i biachahnak kha hmual ngei tein rian ṭuanchuahnak kha hlathlai dingah rianṭuannak hmun ah kal in chekhlatnak tuah a herhnak kong hna aa tel. Austia ram Vienna khua i an tuahmi Ozone thap rawlralnak hna zohkhenhnak he pehtlaimi ton biaruahnak le Canada ram Montrial phu hna nih an ṭuanchuah dingmi ton biaruahnak ah Ozone thpa a pan deuh cang nak thil umtu ningcang cu thinphannak zawn leiah a phak cang nak kha an rak ceihmai hna.