VAWLEI CUNG A PHU HNA NIH TUAHMI KOKEK PAWNGKAM TON BIARUAHNAK HNA

A luancia kumzabu a cheu tluk in a thawk i harnak hna rak lonh hnuah, kan umnak vawlei pumpi cu, kannih vialte hmunkhat tein kan umnak inn a si i, mi vialte cu inngchungkhar pakhat bantukin miphun ṭeng nge pakhatte lawng kan si tiah duhsah in an rak tuah thluahmah. Minung khat le khat pehzulh tein i hngatchannak hmun hi vawlei pumpi cu mi cheukhat umtu ningcang thil thar chuahternak, hmannak hna ruangah a chuakmi mi vialte a khondenmi a herh lomi ṭhathnemlonak kha duhsah in a kan theihter ṭhan.

Cuhlei Vawlei mi chungkhat tiin intuarhnak cu piahtana fianternak kha ram cheukhat hna ṭhathnemnak kha khawmhpiaknak si loin vawlei pumpi tahnak in kawl a herh tiah khua a ruatter. Pakhat le pakhat pehtlai tein bochannak kong theih cu kannih kha vawlei pumpi pakhatte caah mi tampi nih cohlan khawhmi pakhatte lawng a simi fianternak hna, simanking hna suai dingah a forhfial.

Sihmanhsehlaw minung vialte ṭhanchonak caah, teikpan (science) lei fimthiamnak a lang i ṭhanchonak caah thazaang chuah in ṭuannak kha an tuah cio ko nain, vawlei cung huap hmaitonh liomi kokek pawngkam he pehtlaimi le zatlang nunphung he pehtlaimi piahtana hna kha tlangtlak fianternak caah hmual ngeimi lampi (ninglam) hna an kawl khawh rih lonak kong kha tehte a langhter mi a si. A thuk deuhmi piahtana hna kha tlangtlak fianternak ah ram pakhat cio nih kamkhat lei lawng zoh in fianter khawh a si lo caah Vawlei cung huap hnatlak pinak kha lak dingin a biapi ngaimi a si.  

Biana ah kan chim ahcun hi bantuk hnatlak pinak cu cinthlaknak lei rianṭuannak ah pehzulh in zohkhenh khamh khawh a simi thingkung phuntling cinnak kha hman ṭhan khawh a si i thli thurhnawmhnak a zortermi datsi hna chuahternak, thilti khawhnak thazaang hna kha hmual ngei tein hmanna, Rili tipi thuamthum le tupi hna ah a ummi Vawlei chungchuak thilri hna kha zohkhenh khamh dingah a ṭha khun in tawlrelnak le mikip nih dinti an hmuh khawhnak caah aamah khaan peknak hna tiah thil umtu  ning leiah a chanh piak khawh.