St. John Leonardi, Priest (1541-1609)

Propaganda Fide phu a dirhtu mithiang John Leonardi cu 1541 kum, Italy ram Lucca khua ah a rak chuak. Amah cu kum 23 a si ah Siangbawi cannak a hmuh i a nunnak kha mino vialte Pathian bia cawnpiaknak ah aa pekchanh. Lungsau tein aa zuamnak thawngin mino tampi kha Siangbawi can duhnak lungthin a ngeihter hna. 1574 kum ah “Pathian Nu Mary i a hmaanmi Siangbawi bu” kha a dirh i, cu bu chungtel hna cu mission rianṭuannak ah an i pumpek cio. Amah cu Rome khua chung zongah ramleng lei mission rianṭuannak caah Siangbawi cannak Sianginn a sak fawn. Mah Sianginn kha Pope Urban VIII nih “Propagan Dafide College Sianginn” minpek in a fehter.

Mithiang John Leonardi cu mizaw hna a zohkhenhnak hna in zawtnak a ngeih ve i, cu zawtnak in kum 1609 ah Rome khualipi ah a thi.