St. Denis, Bishop & Martyr

France ram zohkhentu St. Denis cu kum zabu 3 chung, Italy ram ah a chuak. AD 250 kum ah Pope Fabian nih St. Denis he a dang missionary thawngṭha phuangtu (6) hna kha Thawngṭha chim dingin Italy ram ah a rak thlah hna. Cuka ah St. Denis cu Parish khua pakhat ah a hmasabik Bishop ṭuanvo riankhinh a rak si. Cu mi hna nih cun mi tampi kha an lung an thlenter khawh hna caah theih hngalhnak (fimnak) ngei lo, milem a biami Siangbawi hna cu anmah hnuzul hna minung an sungh ruangah an thin a phang ngaingai. Cu Siangbawi hna i forhfialhnak ruangah Rome cozah nih phungchim (Denis le a hawile) hna kha an tlaih hna i thong an thlak hna. Thong saupi an tlak hnuah St. Denis he hmunkhat in Catholic Siangbawi pahnih hna kha an lu tan in an thah hna. An ruakpum hna cu Shing tiva chungah an hlonh tak hna caah midang nih an ruak cu an char hna. An vuinak thlan hmun cu (lungdonh) “ St. Denis Khrihfa Siangbawi inn” caah innkillung ah a rak cang. Cu Siangbawi inn cu France Siangpahrang hna an i vuinak thlan hmun ah a rung cang.