St. Bruno, Priest (1030-1101)

Mithiang Bruno cu Carthusian bu a dirhtu a si i AD 1030 kum, Cologne khuapi ah a chuak. Siangbawi cannak a hmuh hnu Rome khuapi i Cathedral Biakinn ah kum 18 chung a min a thang ngaingai i fimthiam tampi chuahter in a cawnpiak hna. A cawnpiaknak cu a thiam tuk i a ṭhatuk fawn. AD 1074 kum ah sullam ngeilo, ruahchannak palh mi vawlei kha lonh khawh dingah Sisiziotane khua Zateih Sianginn ah a lut i cuka ahcun a rak um. Amah cu hawikom tlawmte he hmunkhatte ah thlacam ṭi le sual dantat innnak hna nunnak kha a hruai hna i a tuahpi hna. Kum 10 a rauh hnuah Carthusian bu kha dirh hram an thawk i thingram le tlang a tam i minung an phanh tuklonak Chartracse ah a rak ṭhial. An thlacamnak caah Biakinn le pakhat cio umnak dingah a khaan fate zong a sakpiak hna, cu hmun ah nu luhchuah lo dingin a khap hna. Zapikomh cazohnak khaan le Mass tuahnak (Bawipa thisa sernak khaan) caah chiahmi tangka le a thi hrai fate lengin thildang zeihmanh an ngei lo. Annih cu a zeilei paohah an si a fak. A biapibik an rian cu cauk hna i tlengh kha a si. Cutiin cauk hna an tlengh nak in Europe ram chungah a langmi an rak si.

            Mithiang Bruno cu a hmai aa panh zungzalmi lungthinthiang a ngeimi a si. Amah cu AD 1101 kum ah Italy ram Calabria khuapi i Zateih Sianginn thlacamnak khaanah a nunnak a dih. Bupi nih Carthusian bu kha nunnak caan chekhlat le ruahṭhannak caah a tling cikcekmi zohchunhawk ṭha bu a si tiah an fehter.