Lai Nunphung Cheukhat

Roco Phungphai

Fianternak

a.Nu le va nih an ttuan an kawlmi an hmuhmi thilri cu va a thih tikah rothil sawhsawh an si.

b.Nu le va nih an ttuan an kawlmi in an hmuhmi thilri cu a nupi a thih tikah a va thil ah a cang, a comi, a pekmi, a kalhmi thil aa tel lo.

Pupa rothil co ningcang cu a tanglei bantukin a si.

(a in h tiang a um i Pi Sui Thluai Thang ttialmi ah aa tel dih cang). A cunglei ttialmi a in h tiang fianhnak hna cu a tanglei bantuk an si.

Fianhnak

1)A thimi pa inn ahcun a nupi cu man pek loin a nunchung umnak nawl a ngei. Rocotu pa nih a tthawl kho lo. Asinain lakfa a ngeih ah siseh, va dang a ngeih tthan ah sieh, umnak nawl a ngei ti lo.

2)Hrinsor fapa timi cu pa chungchuak taktak, asiloah a pa nih a hrin taktak mi a fapa ti a si i, nulei in hrinsormi an i tel lo.

3)Zeibantuk ro co ning phunglam a um hmanh ah fanu le fapa paoh ro conak nawl an ngei dih.

4)Rocotu dingah cawmmi fanu, fapa zong an i tel dih.

A cunglei pupa rothil conak upadi kan zoh tikah ro co ding ‘pa’ an um lo tik lawnglawng ah nu cu ro conak nawl an ngei.

A thimi mipa nih fanu le fapa a hrin hna i an nun ko ahcun a fanu pakhat nih a thimi pa nupi a co ding nakin lethnih tam deuh a co lai. A fapa pakhat nih a fanu pakhat comi lethnih tam a co lai.

Asinain a thimi pa a fapa a fanu pakhatkhat cu a pa a nun lioah an thi i a fanu fapa pakhatkhat an tan ahcun fapa pakhat nih fanu pakhat co ding lethnih tam deuh in a co lai.