Sr.Alessandra Smerilli cu Vatican zung i (Prefect of Dicastery) ah an thim
Pope Leo XIV nih Sr.Alessandra Merilli (F.M.A) cu Prefect of Dicastery for Promoting Integral Human Development zungah lutlai ṭuanvo caah a thim i a rian cu September 1 in ṭuan hram a thawk cang tiah Vatican News nih a langhter. Don Bosco (F.M.A.) Salesian Sisters chungtel a simi Sr.Alessandra Smerilli cu 2021 thawk in Dicastery Secretary rian a ṭuan cang i atu a ṭuan dingmi Prefect cu Cardinal Michael Czerny, S.J hmun a rawltu( a chaangtu) asi lai. Cun Cardinal Fabio Baggio (C.S) kha Pro-Prefect ah a thim i, Secretary of Dicastery caah Msgr. Jozef Barlas zong a thim hna. Cardinal Baggio cu “Laudato Si’ Higher Education Centre zong ṭuanvo pek chih asi. Anmah pahnih zong September 1 thawk in ṭuan an thawk c Cun, caah rian hlei a ṭuan lai.
Dicastery cu minung ṭhanchonak rian (Integral Human Development) an si i a bik in minung pakhat cio nih kan ngeihmi nuhrin covo limhnag ṭihzah upatnak, dinfelnak he khuasak tintuknak, daihnak, mipeem mi hna zohkhenh kilvennak, ngandamnak caah bawmhnak, sifak le hartongmi hna bawmhchanhnak le Pathian sermi thil (care of creatoin )zohkhenh kilven humhimnak tibantuk rianṭuannak zung a si i vawleicung pumpi huap in Catholic Bupi rianṭuannak a ṭhanchotertu asi, Vatican dicastery cu biapi ngaimi rianṭuannak asi.