Meikang Lakah Rawk Loin A Dirmi Vailamtah
France ram ah fak ngai in a kang mi ramlak meikang vutcam lakah, mei nih a kangh lomi vailamtah hmanthlak pakhat nih vawleicung pumpi minung hna lungthin a lak ngaingai.
Photo Credit to its original owner
France thlanglei Gironde le Landes pengkulh ah ramlak meikanghnak nganpi a chuak hnu ah, rawhralnak tampi a chuak. Interno tiin an auh mi mei nih hectare 42,000 leng a kangh caah pawngkam vialte cu vutcam ah an cang dih. Europe ram i thingram hmun nganbik pakhat a simi minthang Landes Ramlak hmun kau pipi zong an i tel tiah theih a si. Le Porge, Lège-Cap-Ferret, le Biscarrosse tibantuk khuate hna ah inn za tampi zong hrawh an si hna i, khuami thong tampi zong an nunnak khamh awkah a himnak hmun ah an zam hna tiah theih a si.
Photo Credit to its original owner
Asinain meikang nih a hrawh mi lakah rawk loin a tangmi Vailamtah pakhat cu him tein a hmun te ah hmuh khawh a si.
Mei phu Vailamtah pawngkam ah an alh cuahmah lio zongah Vailam le a pawngkam cu him tein a um. Inn hna le, ramlak thingkung, cun lam cung hna ah mei alh ngan pipi nih a khuh ko lio hna zongah cu Vailamtah cu fek tein dir in rawhralnak doh dingin a dir mi bantuk tein a um. Cu thil cannak nih zumtu tampi hna caah ruahchannak ngan pi a pek hna.
Vailamtah nih a langhter mi cu Khrihfa hna caah cun, minung hna nih kan tonmi harsatnak le muihnak caan hna hmanh ah Khrih cu kan pawng te ah a um peng ko timi theihtertu a si. Vailamtah cu raithawinak, minung hna tlanhnak le ṭemtu sualnak teinak hmelchunhnak a si i, Vailamtah nih a langter rih mi cu Pathian cung i kan ruahchannak cu mei-kangh bantuk, hrawktu nih a hrawk kho bal lai lo timi zong a langhter fawn.
Photo Credit to the original owner
France ram zong nih i sersiam ṭhannak a thawk tik zongah, thildang vialte rawk dih, tlau dih ko hmanhsehlaw, hi Vailamtah bantukin Pathian ṭhawnnak le um pi nak cu a mi hna sinah a um zungzal ko timi tehte khaannak zong a si.
Source: shalomworldnews