Pope cu Mithiang Benedict thlan ah a kal i daihnak caah thla a cam

Pope cu Italy ram, Montecassino i a ummi Benedictine tlangbawi (siangbawi) phu sin ah July 20, Cacawn nikhat ni ah khan a va tlawng hna i Mithiang Benedict thlan ah daihnak caah thla a cam. Hi a khualtlawnnak cu Benidictine tlangbawi phu va tlawn menmen lawng si loin vawlei cung kakip ah buainak, thisenluannak ruangah harnak a tongmi hna an intuarnak vialte kha Mithiang Benedict i thlacam piaknak le bawmhchanhnak chungah ah pekchanh ding ah le Mithiang Benedict sin ah daihnak caah thlacam piaknak hal awk ah tinhnak zong aa tel tiah Vatican thawngzamhnak zung nih a chim.

Benedictine tlangbawi phu an umnak Montecassino cu rili in meter 500 a sannak a um i Rome in (mawtaw in) suimilam pahnih hrawng kal asi. Mithiang Benedict nih AD 529 ah tlangbawi phu cu a rak dirh i ahmasabik Benedictine tlangbawi phu hna umnak inn asi. Mithiang Benedict thlan hmun ah Pope cu dai tein thla a cam dih hnu ah cu ka hmun um tlangbawi(siangbawi) hna he chuncaw an ei ṭi hna. Cu hnu ah ṭhalcaan aa dinhnak Castel Gandolfo a kir ṭhan. Cu ka hmun um Benedictine tlangbawi umnak innpi cu 15 February1944 raldohnak ruang ah rawk dih. Vawlei ralpi pahnihnak a dih hnu ah Italy cozah bawmhnak in sak ṭhan asi i1964 ah Pope Paul VI nih a thar in thluachuah a pek.