St. Camillus de Lellis, Priest (1550-1614)
Audio (aw) zongin ngai khawh a si. 👇👇
Siizung hna a zohkhenhtu Mithiang Camillus cu 1550 kum ah Italy ram, Chieki khua ah a chuak. A ngakchiat tein ralkap ah a lut i, á¹hatlonak a tuahmi pakhat a rak si. Kum 25 a ti ah tangka in lente celhnak a tuah i, a ngeihmi thilri pakhat hmanh taang loin a rak sungh caah Manfredomia i a ummi Capuchin Zateik Biakinn ah rian a á¹uan. Cu Biakinn uktu Siangbawi i forhfialnak hna nihcun a thinlung a suk i, a hnu ahcun Pathian sinah a pum aa pe. Capuchin Zateik Sianginn ah luh a duh ko nain, a ke i a ummi zawtnak hma ruangah a lut kho lo. Cucaah á¹ihnung a simi Rome khua i a ummi Sangiegomo siizung ah a rak kal. Zawnruahnak a ngei lomi siizung rianá¹uantu hna nih mizaw tampi kha an mihring bakin an vui hna. Cu bantuk thil a can lioah Camillus cu dawtnak le zaangfahnak nganpi he mizaw hna kha a chungkhat bantuk tein a zohkhenh hna caah siizungpi uktu rian an pek.
Siangbawi ordination a laak hnu ah Camillus cu siizung hna kha zohkhenh awkah bu pakhat a ser. Camillus bu chungtel hna cu a dam lomi hna kha Jesuh Khrih pum bantuk in an ruah i an zohkhenh hna.
Camillus nih, ‘hi vawlei cungah sifak rethei mi an um lo a si ahcun vawlei tangah nan va kawl lai i, nan khamh hna lai’ tiah a mi kha a ti hna. 1588 kum ah chungtel a cheu hna cu Nepal rili kam lenglei i a ummi, chawnh fawi zawtnak a ngeimi hna tilawng cungah an va kal i, bawmhnak rian kha an va á¹uan. Mah rian an á¹uannak ah zawtnak nih a chawnh hna i a thimi an chungtel pahnih hna kha an bu chung i a hmasabik Martyrs ah an chiah hna. Mithiang Camillus cu 1514 kum ah Rome khua ah a thi i, Pope Leo XIII nih Camillus kha midam lomi hna, siizung hna a zohkhenhtu Mithiang sinak ah a rak cawisan.