Saul ngaihchih cu Pathain Dawtnak Conak a si

RVA in thawngṭha a rak ngaitu zumtu vialte hna nihin julu thla (14) ni zarhkel zarh (15) nak cawn nihnih ni ah hin thlarau thazaang lak awkah nihin ah kan i tong ṭhan. Nihin i cathiang kan relmi chungin khan kan thlarau thazaang kha ilak usih. 

Nihin kan rel kan i lak hnga dingmi ah cathiang cu mt. 11:20-14 tiang kha a si. 21-22 tiang kha ka vun rel ta lai. Cun khuaruahhanak tam deuh a tuahnak hmun hna kha mawhciat hram aa thawk. Zeicahtiah annih cu an sual an i ngaichih duh lo. amah nih Corazim na caah ngaihchia a va si dah. Bethsaidah na caah ngaichia a va si dah. Zeicahtiah na chung in tuahmi khuaruahharnak hna hi Thar le sidon hna ah khan rak si hna seh law an sualnak an rak i ngaichih diam cang hnga. Cun kan chimh rih hna biacei ni ahcun ther le sidon khuami hna cu nanmah nakin an tuar a nem deuh lai. Cun nang kapernaum vancung tluk sang in maw cawi na duh. Hell ah hlonh na si te lai. Zeicah tiah na chung tuahmi khuaruahharnak hna hi Sodom le Gamorrah ah khan tuah rak si hna seh law nihin ni tiang a hmun rih ko hnga. cun kan chimh rih hna. 

Biaceih ni ahcun Sodom cu nangmah nakin a tuar a nem deuh lai tiah a ti. Nihin kan relmi thawngṭha chung ah hin a bik in khan kan i lak hnga ding mi cu Bawipa Jesuh Khrih nih thawngṭha a rak chim lawng si lo in khan thawngṭha a chim nak paoh ah khan khuaruahharnak hmelchunhnak damnak hmelchunhnak tampi a rak tuah. Sihmanhsehlaw kha khuaruahharnak tam deuh a tuahnak hmun paoh ah khan minung pawl kha an sual nak an ni ngai chih duh lo ti lomi kha kan hmuh. Hi hi zei dah a ti tiah cun kawl nih taloh sa buh doh cezu tiah an ti. Rawl pei khat na bar mi ca hmanh ah khin cezu timi lawmh awk a tlak tiah khan an ti. Cu caah cun rawl pei khat te kan bar mi hmanh ah khin lawmh awk lawmhnak pek kha a phu tiah ti a si bantuk in khan cucaah khi khuami Besaidah khuami le Gorasin hna le kaparnaum khua hna kha Bawipa Jesuh Khrih nih khua dang hna nak in khan khua ruah harnak tampi a tuah ko na in khan an sual nak an i ngai chih maw an in gai chih duh hlei lo timi kha kan ruat tikah hika ah hin Pathian dawtnak an theih thiam lo. 

Pathian dawtnak kha a lung a hak a si lo ah Pathian nih a kan dawt Pathian nih a kan zaangfah ti in khan sual ni ngaichih loin an um. Cucaah hi sualnak aa ngai chih mi kha Pathian nih a dawt deuh i a ngai thiam deuh i sual nak aa ngai chih duh lo mi kha cu ni hmanung bik ah sual dan tat an si lai timi kha fiang tein a kan chimh duh nak kha si. Cucaah dawtmi u le nau hna nihin cathiang kan theihmi ah kan Bawipa Jesuh Khrih nih hi a tuah ciami khua ruah har tampi hna caah hin mah hna kha Bawipa kan i lawm Bawipa kan in thangṭhat tiah kan ti kho lo hmanh ah khan nan nun zi ai thlen in khan an sual nak i ngaichih in khan amah kha an zumh deuh hna kha a duh deuh mi kha a si. Sihmanhsehlaw kha hna nih khan an sual nak in gai chih hlei lo an nunzia i mei duh lo in khan an um caah hi hna hi bia tak kan chim hna nan tuar lai hih nan tuar lai hih tiah khan waning kha a pek hna ti mi kha kan hmuh. 

Dawt mi u le nau hna ni fa te kan nunnak ah hin mi vialte zong hi hi khrihfa ka sinak in a si lo ah vawlei cung ah minung sahring ka rak si nak in a tu tiang ah hin bawipa pathian i a ṭhat nak Bawipa Pathian nih ka cung ah a tuah mi ṭhat nak vialte ah hin lawm nak ka pe bal maw. Bawipa Pathian nih a ka pekmi laksawng hi a rel zia ka thiam maw ti mi kha kanmah le kanmah kha i sulh hlat kha kan hau. Kanmah le kan mah kha kan i hal kha a hau. Kan Bawipa Jesuh Khrih nih thawngṭha bia hmun dang ah thing hmui zawtnak a ngeimi pahra kha a dam ter hna tik ah khan kha chung ah jentail mi pa pakhat lawnglawng nih khan Bawipa kaa lawm tuk ee…tiah khan a ra kir ṭhan i a ke hram ah bawk in khan Bawipa Jesuh kha a lawmh. Kha tikah khan aw… minung pahra damnak an hmu i hi ram dang mi pa te lawng nih hin maw Pathian dawt nak a hngalh Pathian sin ah lawmh nak a rak chim. A dang pakua hna tah Pathian dawt nak an hnga lo maw, Pathian dawt nak an chim kho maw tiah khan Bawipa Jesuh Khrih nih khan a chim. 

Dawtmi u le nau hna nihin ka cathiang relmi ah hin kan nih vialte zong Bawipa Jesuh Khrih nih ka caah a tuah mi ṭhatnak caah Pathian cung ah lawmh nak zei dah ka pe. Caminpuai ka awn nak caah  cucun ka sianginn kai khawh nak hnga caah cucun ka ngan damnak caah Pathian cung ah lawmh nak voi zeizat dah ka pek timi kha tampi kha kan ruah lai. Kannih nih lawmnak tam deuh kan chim kan chim deuh deuh Pathian sin in khan hmailei caah laksawng kha a tam deuh chin chin kha kan ngah nak ding kha lam kha tam pi a um. Dawtmi u le nau hna nang le kei nih hi besaidah khua Khuarazin khua le hi kaparnaum khua hna hi Bawipa Jesuh Khrih nih a dawt nak in khan hmel chunh nak a tuah mi vialte caah khan an theih thiam lo caah lawmh an thiam lo caah an sualnak an i ngaichih duh lo caah ni khat khat cu an tuar te lai. Lawmhnak an chim duh lo caah dawt nak an theih thiam lo caah nikhat khat cu an tuar te ko lai. 

Sihmanhsehlaw an i ngaichih i Bawipa kan sual tuk hring hran kan i lawm tuk hring hran ti in khan an vun ti tikah ah khan Pathian lung kha an lawmh ter lai i Pathian dan tatnak in kha an luat ṭhan lai. cu bantuk in khan nang le kei zong kan sual kan palhnak vialte kha Bawipa Pathian nih zei tin dah a kan ngai thiam lai. aww…..a kan dawtnak a kan zaangfah nak hi theih thiam in khan a kan tlanh nak caah a kan pek mi laksawng caah hin lawmhnak chim thiam kha kan i zuam i a vei si ahcun mi vialte nih hi hna nih kan philh mi kan chim thiam lomi ca zong ah khan a ngai thiam lai i kan sual kan palhnak vialte zong in khan a kan ngai thiam lai i cucun hmai lei zong ah khan hi lunglawmhnak chim khawhnak cezu raw vel zaangfah nak zong hi a kan pek ṭhiam ṭhiam lai timi kha ruah in khan kan nih nih ni fa te kan nunnak ah kan ton mi Pathian veel bawmhnak lak sawng vialte caah khan lawmhnak chim kha i zuam u sih law cu cun hi kan zawt kan fah zong ah Bawipa Pathian hi hi ka thlarau thian hlimnak caah a si ti khan ruah in ka caah hin na ka pek ti in khan Bawipa Pathian kha lunglawm zia kha chim thiam u sih timi kha hrawm ka duh. Kaa lawm

Thazang petu /- Fr. Abraham Hrang Hit