St. Maria Goretti, Virgin & Martyr (1890-1902)

Audio (aw) zongin ngai khawh a si. 👇👇

Mino hna a zokhenhtu Mithiang Maria Goretti cu misifak lothlo chungkhar in 1890 kum ah Italy ram, Natounine khua ah a chuak. Kum 19 a si ah a pa cu raifanh zawtnak in a thih caah, a nu lo a kal caan poah ah inn leiah ngakchia zohkhenhnak le cawnpiaknak in a nu kha a rak bawmh tawn.

1902 kum ah kum 18 a simi Alexander an timi mino pakhat cu, innchungah Maria pakhat lawng a um kha a theih tikah a luhhnawh. Amah nih sualnak a simi halnak kha a rak tuah caah Maria nih ‘tuah hlah, mah tiin tuah cu sual a si, Pathian nih a duh lo’ a ti i a bia kha a rak al. Alexander nih a hniphuan kha a phawihpiak tiakh Maria nihcun mah bantukin i in nakcha cun ka nunnak ka dither lai tiah a au. Maria i a biachahnak ruangah a thin a hung tukmi Alexender nih Maria cu a kengah nam in a chunh i a tliktak.

Siizung ah an kalpi i rianrang in an thlop ko nain zei san a tlai ti lo. Nikhat a rauh hnu ah Maria nihcun mithattu pa kha kan ngaihthiam tiah a chim hnu ah a thi. Mah lio ahcun Maria Goretti cu kum 12 lawng a si rih. Alexender cu kum 30 chung thong a tlaknak ah langhnak pakhat a hmu i, cu langhnak ahcun Maria Goretti nih amah kha pangpar rangmi pakhat a rak pek. Cu hnu ah Alexender cu aa ngaichih i Maria Goretti nu sinah ngaihthiamnak a hal.

Pope Pius 12 nih Maria Goretti kha a nu hmuh hngante ah Mithiang sinak a pek. Cucu Bupi tuanbia ah khuaruahhar thil pakhat a si ve. Maria Goretti i thlacamnak in khuaruahhar thil tampi a chuak i, cu lakah Alexander a lung aa thlennak cu a lianngan bikmi khuaruahhar huham a si.