Pope Leo nih Venezuela lihnin har tongmi hna caah thla a cam piak hna

Kan hnu zarg cawn nili, Angelus thlacam dih ah, Pope Leo XIV nih Venezuela mipi hna an temhtuarnak cungah a tuarpi ve nak hna le a ngaihchiatnak ai hrawmnak kong a langhter i an caah thla campiak hna tiah a chim. A luancia mi June 24 ah Venezuela ah a fak ngaingai mi lihninhnak a pehpeh in voihnih a cang i cu nih cun minung 3000 hrawng nunnak a liamter tiah theih asi. Khualipi Caracas in meng 40 hrawng aa hlatnak hmun La Guaira cu faktuk in a rawh caah a thi mi an tam tuk tiah theih asi.

 Inn chuahtak in lam cung ah le caan karlak dornak hmun ah harsa ngai in an um rih. Ramkip chanhchuahnak mi bawmtu phu hna nih a rawk inn tang i a tlaumi kawlnak cu duhsah tein an ngol pah cang tiah theih asi. Pope nih “Ka thlacamnak ah lihninh ruangah harnak a tongmi hna le Venezuela mipi vialte kha ka philh hna lo. Bawipa nih nan intuarmi harnak caan ah hin in dirkamh ko hna seh,” tiah a ti.