Khrihfa hna cu aa ṭhencheumi vawlei ah lungrualnak a chuahpitu si hram usi

Catholic hna cu lungrualnak tehte a khaantu le profet (bia hmaan chimphuantu) kan si awk asi tiah Pope nih Barcelona a phanh lio ah zumtu hna kha bia a cah hna. Spain ram a tlawngmi Pope cu, a hmasa bik ah an ram i khualipi asi mi Madrid ah a phan hmasa i, a voi hnihnak cu Barcelona ah a kal. Holy Cross cathedral le St.Eulalia Biakinnpi ah Catholic zumtu thong tampi he thlacamṭinak ah lungrualnak kong bia a cah hna hi asi. Catholic Bupi cu Monu asi i Barcelona i a ummi Catholic Khrihfa hna cu vel laksawng a phunphun hna kha nan nunnak in a langhtertu nan si tiah thazaang a pek hna.

Nihin ah hi ka um awk ah Bawipa nih an duhpiak hna i a phundang tein a thiangmi aa dawhnak le a ṭhatnak in an dawt hna. Hi khua le ram ah Mithiang hna he pumkhat kan sinak a langhtertu le ai-awhtu si awk ah Bawipa nih an thimmi hna nan si. Catholic Bupi cu Pathian sin in a ra mi dawtnak i a theipar asi. Toidornak he Pathian dawtnak kha a cohlan caah amah zong nih mi vialte caah dawtnak rian a ṭuan i a ṭhangcho. Kanmah vialte cu Khrih ah pum khat kan si. Ral tuknak le a dangdang ruang ah a tleek a baoh dih mi kan vawlei ah lungrual te le rualrem tein a um khawhnak tehte khaantu profet si awk ah bia a cah hna.