Pope nih Spain a tlawnnak a ni linak cu Madrid le Barcelona tiang a phan

Spain ram a tlawng lio mi Pope Leo XIV nih Madrid ah rian bawmtu (volunteer) hna he an i tonnak a ngei. Spain ram khualipi asi mi Madrid in Barcelona kal awk ah aa thawh hla zingka ah hi rianṭuan bawmtu hna cung ah lawmhnak bia chimnak a ngei. Cuka ummi mino hna he tonnak le biaruahnak a ngeih hna. “Nanmah pakhat cio nih nan lungthin, nan thazaang, nan ruahnak, nan thiamnak le nan mithmai panh tein nan i pechan, nan i zuam. Amah Pathian lawng nih ahngalhmi le pek an duhmi hna laksawng cu pakhat cio nan cungah i pe ko hna seh!” tiah a ti. Zumtu Khrihfa hna cu “mah zawn lawng aa ruatlomi thilnu” i put in micaah ah nun dingin a forh hna. Ziaza ṭhatnak le thlarau lei a ṭhanchotertu thilnu bantuk si awk ah le Pathian Khuapi ah mi dang he kan i dannak a langhtertu pakhat a si,” tiah a ti.

Cu ni chun hrawng ah Barcelona ah a phan. Holy Cross Cathedral le Mithiang Eulalia Biakinnpi ah a mah a rak dongmi mibu hna he an i ton hnu ah chun thlacamnak in a thawk. Catalan le Spanish cawhmi holh in a phung a chim. Khrih ah kan dihlak in pum khat kan si. Pumkhat chung i a ummi bantukin “a ṭhawng deuhmi le a der deuhmi a cheu an um”. Bupi chungah cheukhat cu an rianṭuannak ah an lang i cheukhat cu a phen ah a um ve. Cu kong he pehtlai in, lungrualnak kha biapi ah chiah dingin a forh hna. Kan lung aa rual caah kan ṭhawng i, cun Thlarau pakhat nih a kan nunter caah kan lung aa rual tiah a chim.