Chanthar minung hna caah Ruahchannak ṭha a petu si zungzal u

Pope Spain ram a tlawnnak ah Mino hna he tonnak a ngei. Cu tonnak ah aa telmi hna biahalnak zong a leh hna i, dai tein thlacamnak he Pathian aw ngaihthiam ding, biatak ah i pekchanh peng ding, cun nun zia dawh tein nun le ṭhitumnak(nuva) sining dirhmun zong in Pathian kawhnak rian taktak kan ṭuan n si timi hngalh ding in thazaang a pek hna. Khrihfa tehte khannak taktak cu pumpak cio in lungrualnak le toidornak in aa thawk tiah a chim i, cawnpiaktu le hruaitu hna zong kha hruaitu le saya an si hlanah cun zultu si peng ding a si ti zongin ralrin theihter nak a tuah hna.

Pope nih dai tein um a biapitnak kha hitin a langhter. A hlei in chanthar vawlei cu aw phuntling in an awn, cun cawhlehthalnak zongah mah zawn lawng ruahnak in a khatmi a si tiah a ti. Dai tein um cu minung hna nih Pathian aw an theih khawhnak, biatak asi mi le hlennak an thleidan khawhnak, a hmunmi thil sining hna hmuh khawhnak hmun a si tiah a ti.

Pope nih chanthar zatlang nunnak zongah zumhawktlak tein nunnak a herhnak kong zong a chim. Diognetus cakuat chung catlang cherchanh ina timi cu, Khrihfa hna ruahnak cu chanthar vawlei nih uk lo in, chanthar vawlei thil sining ah ṭha tein um kal thiam a herh tiah a ti. Zumhnak nih kan khing rihnak, taksa nuamhnak, asiloah nawlngeihnak leng lonh in zalonnak le ruahchannak taktak a pek tiah a ti. Cun chanthar ruahnak hna le kalning hna cu chikhat te ah an liam zau ko nain biatak cu zungzal in a um peng ko tiah a ti.

A donghnak ah, Pope Leo nih a bia a ngaitu mino hna kha digital vawlei telh in zatlang nun ah thlennak ṭha a chuahtertu si dingin a forh hna. Pakhat le pakhat cungah zeirel lonak, thahnawnnak le lihbia hna kha doh in Thawngṭha mansung le ai dawhnak kong chim rel dingin a forh hna i “Chanthar minung hna caah ruahchannak thar a pe kho tu meialh” si dingin a forh hna. Cun bochan tlak si awk, dinfelnak kawl zungzal ding le mah cungah thil ṭha tuah hna seh tiah duh mi kha midang cungah va tuah zungzal ding in a forh hna.