Ss. Marcellinus & Peter, Martyrs (304)

Audio (aw) zongin ngai khawh a si. 👇👇

Mithiang Marcellinus cu Rome khua ah minthang Siangbawi pakhat a si i, Mithiang Peter cu khuachia khuavang hna a ṭhawltu pa a si. AD 304 kum ah Diocletian nih Khrihfa a hrem lio caan ahkhan annih cu tlaihkhihnak an ing i thong an thlak hna. Thong uktu Altemius nih an zumhnak kha a uar i a upat hna caah an chungkhar ningin tipil in awkah a rak hal hna. Cu hnu ah annih kha a thli tein thah awkah Silva Nigra an timi tipi chung leiah an kalpi hna. Asinain biaknak caah thihnak an innak kong kha a hnu ah Khrihfa pakhat ah a rak cangmi, nawl ngeitu hna chungin pakhat nih a rak phuan. Biaknak lei i aa zuam ngaimi nu pahnih a simi hna Lucila le Fimina nih an ruak kha a thli tein an laak i, Lebicana lam i a ummi St. Tiburtius i lungkua thlankhor ah upatnak he an vui hna. An thlankhor kha khuh in Constantinople nih Biakinn pakhat a sak i, mah hmun bak ahcun a nu St. Helen zong kha an vui ve.