Pope nih Sahel pengtlang ah daihnak le ṭhanchonak ser dingin nawlnak a tuah

Pope Leo XIV nih Africa i Sahel ramkulh chung vialte ah daihnak le ṭ hanchonak a um khawhnak hnga pehzulh tein rianṭ uan dingah nawlnak a tuah. Kan hnu Zarhpi ni ah Angelus thlacam dih i bia a chimnak ah, Atlantic Rili le Rili Sen karlak, Thlanglei Africa ah a ummi Sahel pengkulh chung i a cangmi thil sining kongah a lungretheihnak a langhter. Sahel ramkulh, a bik in Chad le Mali ah, naite ah a chuakmi tukdohnak le buainak a linsa chin lengmangmi kong ah a lungretheihnak kong cu John Paul II Foundation for the Sahel aiawhtu hna he tonnak an ngeih hnu a ah Pope nih a chim. Harnak a tongmi hna caah thla a campiaknak hna kong le an mah an intuarnak aa hrawmpinak a langhter. Cun daihnak ser dingah pehzulh in i zuam dingah nawlnak a tuah. “Thil thahnawnnak phunkip a ngol lai ti ka ruahchan, cun cu dawtmi ram ah daihnak le thanchonak caah zuamnak kip thazaang ka pek hna”, tiah Pope nih a chim. Tukdohnak le buaibainak a dih lai i dawtmi ram ah daihnak ka ruahchan i daihnak le ṭ hanchonak caah aa zuammi paoh thazaang ka pek hna tiah a ti.