St. Athanasius, Bishop & Doctor (293-373)

Catholic zumhnak kha a dirkamhtu St. Athanasius cu AD 293 kum ah Izipt ram, Alexandria khua ah a chuak. Bible lei le zumhnak kong kha upat ngaiin a cawn hnu ah Alexandria khua i Bishop pa kuttang ah secretary rian a ṭuan i AD 328 kum ah mah Bishop pa rian kha a chan. Cu hnu ah zumhnak le Bible lei zohchiatter le dohdal in i alnak, chimnak ahkhan a dirkamh hmasatu a si. Cu dirkamhnak ah a bikin Jesuh Khrih i khuaruahhar a huham hna kha a letkhan duh lomi Alexandria Siangbawi hna le Arius hna an si. AD 325 kum ah Nicaea Council nih Homazan zumhnak; Fapa Pathian cu Pa Pathian i a huham he aa khahnak kong kha an fehter ko cang nain bia i alnak cu a dih rih lo. Arian miphun hna cu Siangpahrang zungpi ah a chim rel khomi, aana a ngeimi an si hleiah Bupi a domi zumhnak hna kha mah chan lio i a min a thangmi hla in zumhnak an karhternak ah fakpi in aa zuammi hna an si. AD 355 kum ahcun ramkip le kenkip ah mah dohdal zumhnak cu a karh caah St. Jerome nih ‘vawleipi cu amah le amah Arian mi ka si tiah aa hmuh i khuaruahhar vansang in a um cang’ tiah a rak ti.

Arian zumhnak kha a al mi (a duh lomi) Bishop hna, Pope Leberio telh in hmun dangte ah thong an rak thlak hna. St. Athanasius zong hi voi (5) bak, a zapi kum (17) ram in ṭhawlnak dan an rak pek.

Thah awk an i zuamnak in luat ding ah ṭhetse rawn ah an kal i ramlak i biatak aa zuammi Zateik hna sin zongah voihnih tiang a vaa dor ve. AD 363 kum ahcun St. Athanasius cu St. Anthony i a biography-a konglam le cauk dangdang hna ṭialnak in a caan kha man ngei ngaiin a rak hman. Amah cu AD 373 kum ah a thi i a ruak pum kha Venice khua ah an put. Amah cu Bupi dirkamhtu pakhat a si tiah an fehter mi le theih mi a si i amah aa zuamnak thawngin Catholic zumhnak kha a lo dengmang mi sining in a rak khamh khawhnak theiphar zong cu dawh ngaiin a um.