Lai Nunphung Cheukhat Hna
Audio (aw) zongin ngai khawh a si. 👇👇
7.Mansanh
Hi mansanh kan timi hi lai khat le lai khat aa á¹hium mi hna caah a si deuh. An thahpiak lioah khan an thahmi sa hna chungin a thawt deuhnak tete a tit, a thinpaw kha an chiah, an kenret hna. An i umh zan thumnak ah man a hngan in an manh ding vialte le sa an chiahmi kha le buh an i put i nu inn ahcun an kal, man an manh hna.
Zan ahcun innpa chakthlang, rualchan cingla an kawh hna i nulei nih vok an rak thah, zu an rak dah hna. Cucu nulei nih tuahmi a si i zankhuadei an ding, an ei i an laam. An duh a si ahcun a thaizing zong laam an cam á¹han.
8.Buhhniang put
Hi bantuk buhhniangput hi biapi ah a chia deuhmi khua an um bantukin a ngei lo, biapi ah a chia deuh lo khua zong an um ve.
Buhhniangput kong he pehtlai in Pu Ṭial Tlung, Tlanglo nih hitihin a chim; ‘Buhhniangput timi hi kanmah Thantlang zong, nanmah Hakha zong nan ngei ko i, an i umh a thaizan ah an i put i sa a tlawmtam a zatawk, buh zong a zatawk (a ei hnga ding milu kha an zoh hna), mahticun ni, nu hna nih a á¹hitu pa inn ah an rak put hna’.
Buhhniangput kong he pehtlai in Thantlang Pu Za To le Pu Hrang Tling nih hitihin an chim ve. ‘Buhhniangput, rawlhniangput kan timi hi an i umh a thaizan ah an i umh lio i an thahmi sa chungin a thaw deuhdeuh le a chungril kha an chiah, ar an thah i nulei he palei he an i put veve. Hi zanriah ahhin a va unau, kawi tel in ei tawn a si caah a za hnga in a tlawmtam cu an put tawn hna. Nu nih a va inn i rawl a ei hmasabik cu hi buhhniangput mi in ei aa thawk’.
9.Sullet
Hi thil hi tluang le lai i umh ah tuahmi a si deuh. Hi bantuk tluang le lai i ton tikah pa a umnak khua ahhin á¹hit-umhnak hi an tuah tawn phung a si i ‘kai’ tiah min an sak. Tahchunhnak ah ‘Mangmang kai ahkhan, Dawtte kai
ah’ tiah min an sak i an kawhauh. Cu bantukin a va khua ah an kai caah a kaimi milu zat in a va nih nihlawh sawngtem an pek hnawhphahnak zong hi a si.
Cucaah an i á¹hit-umh thla a det hlan ah rualchan cingla, ngamhtlak kha an sawm hna i nu khua ah an kal. Cu tikah an pu nih a ngeih tawk a rak thah hna. Vok an thah a tam deuh. Thah le dah, laam le kui cu a si hoi ko. An pu nih khual i ka tule nih na kan tlawn ti zong khi a lo ngai.
10.Mak (maak) chungá¹uan
Chunhthah a um tik poah ah hi mak timi hi chung a á¹uantu ding cu an si. Khuazakip cawh in khua pakhat ah a ummi hna caah cun a rak dawtu poah nih kan i thawh i chuan le khin i bawmh a si ko. Asinain khua pakhat chung i khua a sami hna tucu a chunthahtu i an á¹ang, an tule kha mak asiloah chungá¹uan an si. Hi bantuk caan ah ahohmanh fial hau loin anmahte nih an rian ah an i ruah ko lai.
Hi bantuk ahhin a kawi nih a bikin a tlangtlak hna lai i mah mak pawl he sumsuk in tualphiah a dongh ni tiang an á¹uan lai. Tualphiah kan timi cu an i fimtawl i a dihnak thianhhlimh an tuahmi kha a si.
Chunthah a chuah tikah zudah, sathah a si caah a herh lomi an chuak tawn. A bikin sa an phawt hna tikah, rawl an serh hna tikah buh ting lo, savo ting lo um an hmang tawn. Hi bantuk caan ah á¹ha tein zoh le umpi an hau. Cucaah sa an phawt fatin á¹alawn pakhat an lonh lai ah ‘savo nan ting maw?’ timi hi an hal lengmang hna. Hi bantuk ah paduhlo a simi cu savo an hrelh sual hna ahcun an min an i chal i inn ah á¹in in muikhum an hmang á¹heo. Cucaah zulap sertu siseh, saphawtu siseh, lungfim le á¹angá¹ial tein an rian an á¹uan cio. Hi bantuk caan a chuah ahcun mak hi an thang a chia ngei i a chuhthattu zong roling in tuanbia ah an tangta tawn.
Hi bantuk ahcun an nifar le an mak pawl cu rethei tein rian cu an á¹uan cio i zu hmanh an lungduh in an ding an ri ngam lo. An i lim dih hnu cikcek, tualphiah ni ah inn ngeitu nih zupu a thawmite kha a dah tawn hna. Cu lawngah cun thawpi chuah in an ding i an ei tawn.