Nunzia Dawh in Mithiang Si Ding Kan Panh A Herh

Bible Relding: Biathlam 7:2-4, 9-14; Psalm 23:1-6; 1 John 3:1-3; Matthew 5:1-12

Nihin ni ah kan nu Bupi nih mithiang mi hna puai ni a kan tuah piak. Hi ni ah hin Bupi nih Pathian hmai ah dingfel tein a rak nungmi mithiang hna nunzia kha i zoh in thazaang lak dingin a kan sawm cio. 

Mithiang tiah kan ti tikah anmah hna hi ahleice in thluachuah a hmu mi le a fimmi, mithiang si dingin a hram thawh tein special in rak thimmi an si lo timi hi kan theih ding a si. Hi puai tuahnak thawngin kan nih pakhat cio hna zong mithiang si ve dingin sawm kan si timi kha a kan theihter ṭhan. 

Voi(1) Bible relnak ah mi thong tampi Pathian hmai ah an i pumhnak, cu mi hna cu ra kip, miphun kip le holh phun kip a hmang mi an si nak, cun anmah hna cu thil rang in an i thuam hna i an kut in kuhchuk hnanh an i put i Pathian an thangṭhatnak kong, cu mi hna cu an nun lio ah Pathian cungah zumh fek tein a rak nungmi hna an sinak kha a langhter. 

Mithiang hna kan timi hna hi harsatnak zeihmanh a tong bal lomi hna an si lo. Cu an rak tonmi hremnak le harsatnak hna kha a tei khomi an sinak, Pathian hmai ah dingfel tein a nungmi hna le an nun a dih tiang Pathian cung an zumhnak a thla lo mi an sinak kha kan hmuh khawh. 

Thawngṭhabia chungah “Thluachuakmi” hna kong a chim. “Mi chabau ka si ti aa hngal mi cu lunglawmmi nan va si dah! Vancung Pennak cu nanmah ta a si” a ti. A ṭap a hrammi cu lunglawmmi nan va si dah! Pathian nih an hnemh hna lai a ti. Nun a nemmi cu lunglawmmi nan va si dah, Midang cungah zaangfahnak a ngeimi cu lunglawmmi nan va si dah, Lungthin a thiangmi cu lunglawmmi nan va si dah, Mi le mi kharah remnak a sertu cu lunglawmmi nan va di dah! Pathain nih, ka fa, tiah an ti hna lai tiah a ti. 

Hi cawnpiak nak hna nih a langhter mi cu thianhlimnak kan timi cu rumnak, ṭhawnnak, mithannak, nawl ngeihnak hna in tah khawh a si lo. Dawtnak, zaangfahnak, nunnemnak, tangdornak lungthin, ngeihthiamnak, daihnak caah nunnak hna tu hna in Pathian fale sinak le mithiang mi hna sinak ah a herh mi a si tiin a langhter. 

A caan ah thil khuaruahhar tuahnak thawng lawngin mithiang kan si kho lai tiah a raut mi kan sual kho tawn. Sihmahsehlaw, Jesuh nih a kan cawnpiak ning in cun mithiang sinak cu nifatin kan tonmi le kan sinak ah hin Pathian duh nak a zul mi le a tuah mi si nak in a si deuh tiin a kan cawnpiak. Kan tuah ṭuan cio mi cungah ṭha tein le kan zohkhenh cio mi hna cungah zeitin dah nan tuah i kan zohkhenh hna; Pathian mithmai zoh in kan dawtnak lungthin he kan zohkhenh hna maw timi kha kanmah le kanmah kan i hal ding zong a si. Nifatin kan nunnak ah nunzia dawh tein kan nun a herh.

Third, the second reading from the First Leṭer of John reminds us of our beautiful identity: “See what love the Father has bestowed on us that we may be called the children of God.” This is the foundation of our holiness. We are not called to become saints simply through our own efforts, but because God first loves us and invites us to share His divine life. The more deeply we understand that we are God’s beloved children, the more we desire to live like Him. Although we are not yet perfect, we are called to purify ourselves and become more like Christ every day.

Voi(2) Bible relnak chungah “Pathian nih zeitluk in dah a kan dawt hi ruat hmanh u! A kan dawtnak kha a ngan tuk caah Pathian fa tiah ti kan si – Pathian fa ti lawng hmanh si loin, a si in kan si hrimhrim” tiah a ti. Cucu mithiang kan sinak hnga ding caah kawhmi kan sinak kha a langhter tu cathiang zong a si. Kan mah thiamnak le thil ti khawhnak thawngin siloin Pathian veel le thluachuah, dawtnak thawngin a sinak kha a langhter ve. 

Cuasicaah, Pathian fa ka si timi kan i theih a si ahcun Pathian duh ning le fial ningin kan nung ko hna lai. Amah muisam kan keng ko hna lai. Minung sinak in a tling lomi si hmanh u sihlaw Pathian fa tiah auh mi kan si caah, nifatin kan nunnak ah Jesuh Khrih hi kan i lawh chinchin ding hi a herh taktak ko.

Thazaang petu /- Fr. Fidelis Maung Sein