Pope Leo 14 le President Zelensky cu phone in biaruahnak an ngei i Ukraine hmun cheukhat ah hartongmi hna bawmhnak pek awk ah Pope nih forhfialnak a tuah

Nizan, Cawnnikhat, October 19 ah Pope Leo 14 le Ukraine President cu phone in biaruahnak an ngei. Kherson peng Oleshky khua i hartongmi hna sin ah ei-din le sii lei bawmhchanhnak pek khawhnak ding le a himnak hmun ah ṭhial le chanhchuah awk ah rianṭuanṭi ding ah ruahchannak a ngeihnak kong Pope Leo 14 nih a langhter tiah Vatican News nih thawngthanhnak a tuah.

An biaruahnak ah, Oleshky khua ah a cangmi hartongmi hna bawmhchanhnak peknak kong he pehtlai in Russia le Ukraine kar ah kahdaihnak tuah ding ah, Russia Federation President sin ah nawlnak a tuahnak kong zong Pope nih a chim ṭhan. Ukraine le Russia kap karlak i rianṭuanṭinak nih hartongmi hna an bawmhchanh khawh hna pin ah tualchungmi hna nih anmah lungtho tein a himnak hmun ah i ṭhial khawhnak caan an ngei lai tiah aa ruahchannak kong Pope nih a langhter. An biaruah a donghnak ah, Vatican nih daihnak sernak ding ah biatak tein rianṭuanṭinak a dirpinak kong Pope nih fehternak a tuah.