Pope nih sii-zung a um lio i amah a zohkhenhtu hna le thla a campiaktu mipi hna cungah a lunglawmhnak a langhter
Kan hnu zarh ah cuap lei damlonak in Gemelli sii-zung ah a ummi Pope Leo 14 nih, amah a cawnghramtu doctor hna le nurse hna siseh, thla a campiaktu hna vialte cung ah kaa lawm tiah Zarhpi ni Angelus thlacamnak ah a chim. Pope Leo 14 cu cuap cancer a ngeih caah operation an tuah i hi a tonmi zawtnak le operation tiang tuah asinak nih zawtnak le damlonak ruang ah a derthawmmi hna an intuarnak vialte kha ka theihthiam, anmah he naihniam tein ka um tiah a ti. Pope ci Zarhteni zinglei ah a thi an check pin ah x-ray thlaknak zong an tuah hnu ah, zanlei sang ah siizung in chuah khawh a si ko tiah an fehter.
Sizung in a chuak hlanah, operation a tuahtu sibawi, nurse hna le ngandamnak lei rianṭuantu si hna seh, Catholic University of the Sacred Heart i rector le sizung uktu hna sin ah amah pumpak in lawmhnak bia a chim tiah theih asi. Operation tuahnak hma ruang ah ralring tein ṭhut dir a herh lio caan asi ko nain Pathian bawmhnak le nan thlacam piaknak thawng in duhsah tein rianṭuan hram ka thawk ko lai tiah Angelus thlacam a dih ah Pope nih a chim. Pope Leo a dam lio, operation aa tuah hlan ah timhlamh cia asi mi Pope le mipi tonnak program vialte cu October 20 tiang tuah rihlo ding in Pope umnak zung (Prefecture) nih thannak a tuah tiah Vatican News nih a langhter.