St. John de Brebeuf & Issac Jogues, their Companions, Martyrs

Chaklei America in hmasabik martyr a simi hna St. John de Brebuef le Isaac Iogues le an hawi 7 hna cu France ram Society of Jesus chungtel an si. Annih kha American le Canada ram i Huron le Iogues Indian miphun hna sinah thawngṭha chim awkah thlah an si. Cu miphun hna ca le holh an cawn hnuah Biaknak lei zumhnak cauk pakhat kha an ṭial i harnak phunzakip kha lungsau tein an in buin lungtho tein zumhnak upadi hna kha cawnpiak hram an thawk. Annih cu an lamhruaitu hna i thilchuhnak le kaltak (tliktak) nak kha atu le atu an rak tawn. Cuve bangin a caan ah tihrah hna tannak ah an lawng hna kha anmah tein an i putcaan zong a rak um. An teinak theipar hna nih miphunte uktu cheukhat hna nahchuahnak kha a chuahter. Ca uktu hna nih cun an miphun hna cungah a tlami sifahharnak le temhinnak hna kha anmah ruangah a si tiah sual an puh hna.

            Kum 1642 in 1649 tiang a raumi hremnak chungah cu mission rianṭuan hna cu li le cantiang in kah i thahnak, thih hlan lo hrem in thahnak hna an in. Cheukhat cu an nung buin meikhangh in thahnak an in bantukin a cheukhat hna zong Tomabawk in an lu an tan hnuah thingzum in sawh (thil) i tarnak hna an in. Canada ram i martyr hna an ralṭhatnak cu a min a thang bangin Indian mi phun hna nih an thazaang ṭhawnnak le ralṭhatnak tlin (khat) deuh dingin cu mithiang hna thi dinnak le tuahsernak kha a rak chuak.