Hrin rih lomi hna Nunnak khamh khawh dingin tinhmi Lamzawhnak ah minung 3000 leng an i tel kho

Zarhpi ni October 11 ni ah Vienna ah minung 3,000 leng an i pum i kum fatin tuah tawnmi “Nunnak caah Lamzawhnak” an tuah. Hrin rih lomi ngakchia pawl kilvennak tam deuh in tuah ding, nu le chungkhar pawl tam deuh chin in thazaang pek deuh ding le thahnak doh ding timi tinhnak in cu lamzawhnak cu tuah a si. 

Tawlreltu hna chimning ahcun, party lei kap ah tel nak a ngei lomi hna hmanh nih Austria cozah nih nau hrawhnak siizung pawngkam ah “hrialnak hmun” ser a timhmi kongah lungretheihnak an ngeih nak an langhter.

Cu lamzawhnak cu, St. Charles Biakinn (Karlskirche) ah a thiang Missa thawinak in thawk a si i, Vienna khua i Auxiliary Bishop Stephan Turnovszky nih a tuah pi hna. Bishop nih a phungchimnak ah, a derthawm bikmi hna kilven a herhnak kong kha fakpi in a chim i, “A derthawm bikmi hna caah dirkamh ding, cun hrin rih lomi hna cu zatlang nun ah a derthawm bikmi hna lakah aa tel mi an si,” tiah a ti.

A dang a lang ngaimi cu Cardinal Gerhard Ludwig Müller sin in video thawngthanhnak a si. Biachimtu hna cu St. Pölten in a din cangmi Bishop Klaus Küng, Austrian Freedom Party (FPÖ) National Council chungtel Ricarda Berger, “fairändern” timhtuahnak in Petra Plonner, le “Ruahchannak Inn” in Barbara Seppi hna an si. Austrian People’s Party (ÖVP) upadi sertu Gudrun Kugler le Norbert Sieber zong an i tel ve.

“March for Life” ah biachimnak nawl ngeitu Anna Soldo nih chuahpi dingin an tinhmi (exclusion zones)hmunhma pawl cu hna bia elnak a tuah i, zalong tein ruahnak cheuhnak le pumhnak kha kap khat lei lawng hoih in an kal pi lai tiah a ti. A um cangmi upadi hmanh nih hin hnahnawhnak le hrocernak hna in a za tawk in huhphenhnak a pek cang ko tiah a ti.

Thawngpang la tu tampi zong cu lamzawhnak ah cun an i tel hna i, a ra laimi October 9, 2027 ah Vienna ah Nunnak caah lamzawhnak tuah ṭhan dingin timhtuahnak zong an ngei hna.