Khrih Bawipa le Nu pawl nawl ngeihnak

Bawipa Jesuh Khrih cu minung kip zalonnak huham duhdanh lo, aa tlukte in asinak kha a cawnpiak i nu pawl kha hmasabik tehte khaan nak nawl arak onh hna. (Jn 20:11) (Mt 28:9).

Jesuh Khrih cu Judah mi phun upadi ningin nupawl phungningin tehte khaannak nawl arak umlonak kha ralchanh in nu lei kap in arak dir.

Mizapi hmai i nu pawl kha biaruahnak cu limhang a zormi rian, aatlak lomi rian asi tiah Judah mi nih an ruahnak kha Bawipa Jesuh nih minung le minung zeirel lo in thuh-phenhnak phunglam kha a ralchanh i sualmi asi tiah an timi nu hmanh kha mizapi hmai ah duh- dawhnak arak langhter. A sual mi kha thuhphenh mi nak in dawtnak in remhmi nih aatlak deuhnak arak langhter. (Lk 7:36-)

Fa pakhate lawng asi mi nuhmei nu fapa zong kha atthawnnak in arak nuntor piak tthan. (Lk 7:11-)

Cu hlei ah nu pawl kha pa pawl he a dot thleidan lo in dawtnak arak langhternak kong Bible chung ah tehte tampi a um rih.

Minung vialte hi Pathian nih amah muisam he aa lo mi in ser kan sinak kha meivan arak pek.